ਗੁਰਦੁਆਰਾ ਸਾਹਿਬ ਟਾਕਾਨੀਨੀ ਦੇ ਕੁਝ ਦ੍ਰਿਸ਼

ਆਕਲੈਂਡ (5 ਫਰਵਰੀ2012)-ਨਿਊਜ਼ੀਲੈਂਡ ਦੇ ਵਿਚ ਸਭ ਤੋਂ ਵੱਡੇ ਰਕਬੇ (ਤਕਰੀਬਨ 8.5 ਏਕੜ) ਦੇ ਵਿਚ ਮਾਰਚ-2005 ਤੋਂ ਸਥਾਪਿਤ, 80 ਲੱਖ ਡਾਲਰ ਦੀ ਉਸਾਰੀ ਲਾਗਤ, ਵੱਡੀ ਪਾਰਕਿੰਗ ਅਤੇ ਖੁੱਲ੍ਹੇ-ਡੁੱਲ੍ਹੇ ਖੇਡ ਮੈਦਾਨ ਰੱਖਣ ਵਾਲਾ ਦੋ ਮੰਜ਼ਿਲਾ ਗੁਰਦੁਆਰਾ ਸ੍ਰੀ ਕਲਗੀਧਰ ਸਾਹਿਬ ਟਾਕਾਨੀਨੀ ਅਗਲੇ ਮਹੀਨੇ 4 ਮਾਰਚ ਤੋਂ 18 ਮਾਰਚ ਤੱਕ ਲਗਾਤਾਰ ਦੋ ਹਫਤੇ ਤੱਕ ਆਪਣੀ 7ਵੀਂ ਵਰ੍ਹੇਗੰਢ ਮਨਾ ਰਿਹਾ ਹੈ। ਗੁਰਦੁਆਰਾ ਕਮੇਟੀ ਵੱਲੋਂ ਇਨ੍ਹਾਂ ਸਮਾਗਮਾਂ ਲਈ ਜਿਥੇ ਪੰਜਾਬ ਤੋਂ ਵਿਸ਼ੇਸ਼ ਤੌਰ ‘ਤੇ ਸਾਬਕਾ ਹਜ਼ੂਰੀ ਰਾਗੀ ਭਾਈ ਗੁਰਮੇਜ ਸਿੰਘ, ਹਜ਼ੂਰੀ ਰਾਗੀ ਭਾਈ ਸਰਬਜੀਤ ਸਿੰਘ ਲਾਡੀ ਤੇ ਪੰਥ ਪ੍ਰਸਿੱਧ ਕਥਾਵਾਚਕ ਭਾਈ ਪਿੰਦਰਪਾਲ ਸਿੰਘ ਨੂੰ ਕੀਰਤਨ ਤੇ ਕਥਾ ਲਈ ਬੁਲਾਇਆ ਜਾ ਰਿਹਾ ਹੈ ਉਥੇ ਗੁਰਦੁਆਰਾ ਸਾਹਿਬ ਦੀ ਅੰਦਰੂਨੀ ਅਤੇ ਬਾਹਰੀ ਦਿੱਖ ਨੂੰ ਹੋਰ ਆਕਰਸ਼ਿਤ ਅਤੇ ਸੁੰਦਰ ਬਨਾਉਣ ਲਈ ਬੀਤੇ ਕਈ ਦਿਨਾਂ ਤੋਂ ਪ੍ਰਬੰਧਕ ਅਤੇ ਸੰਗਤਾਂ ਨਿਸ਼ਕਾਨ ਸੇਵਾ ਵਿਚ ਭਾਗ ਲੈ ਰਹੀਆਂ ਹਨ। ਅੱਜ ਦੇ ਹਫਤਾਵਾਰੀ ਦੀਵਾਨਾਂ ਵਿਚ ਸ. ਦਲਜੀਤ ਸਿੰਘ ਨੇ ਸੰਗਤਾਂ ਨਾਲ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਸੰਗਤਾਂ ਦੀ ਸਹੂਲਤ ਵੱਲੋਂ ਕਈ ਤਰਾਂ ਦੇ ਕੰਮ ਉਲੀਕੇ ਗਏ ਹਨ ਜਿਵੇਂ ਵਾਤਾਵਰਣ ਨੂੰ ਸਾਫ ਅਤੇ ਗੁਰਦੁਆਰਾ ਕੰਪਲੈਕਸ ਨੂੰ ਹਰਿਆ-ਭਰਿਆ ਰੱਖਣ ਲਈ ਪਰਿਵਾਰਾਂ ਵੱਲੋਂ ਹੀ 50 ਦੇ ਕਰੀਬ ਸੁੰਦਰ ਸਦਾ ਬਹਾਰ ਬੂਟੇ (ਕਾਉਰੀ, ਕੁਈਨ ਪਾਮ, ਕੁਈਨ ਮੈਰੀ, ਪਾਮ ਆਦਿ ਲਗਾਏ ਗਏ ਹਨ ਤੇ ਸੰਭਾਲ ਕਰਨ ਦੀ ਜਿੰਮੇਵਾਰੀ ਵੀ ਲਈ ਗਈ ਹੈ। ਇਸ ਤੋਂ ਇਲਾਵਾ ਫੁੱਲਾਂ ਦੀਆਂ ਕਿਆਰੀਆਂ ਦੇ ਵਿਚ ਬੂਟਿਆਂ ਤੋਂ ਇਲਾਵਾ 30 ਕਿਊਬਕ ਦੇ ਕਰੀਬ ਵਾਈਟ ਚਿਪ ਪਾਈ ਗਈ ਹੈ ਤਾਂ ਕਿ ਜਿਥੇ ਨਦੀਨ ਆਦਿ ਨਾ ਪੈਦਾ ਹੋਣ ਉਥੇ ਹਰਿਆਲੀ ਆਦਿ ਵੀ ਨਾ ਪੈਦਾ ਹੋਵੇ। ਪਾਣੀ ਦੇ ਨਿਕਾਸ ਲਈ ਅੰਡਰਗਰਾਉਂਡ ਪਾਈਪ ਪਾ ਦਿੱਤੇ ਗਏ ਹਨ। ਗੁਰਦੁਆਰਾ ਸਾਹਿਬ ਦੇ ਮੁੱਖ ਗੇਟ ਅੰਦਰ ਆਉਣ ਲਈ ਕਿਆਰੀਆਂ ਦੇ ਉਤੇ ਸੁੰਦਰ ਗੇਟ ਅਤੇ ਰੈਂਪ ਬਣਾਏ ਗਏ ਹਨ ਤਾਂ ਕਿ ਮੀਂਹ ਕਣੀ ਵਿਚ ਲੰਘਣ ਦੀ ਸਹੂਲਤ ਰਹੇ। ਮੁੱਖ ਦੁਆਰ ਦੇ ਉਤੇ ਇਕ ਐਲ. ਸੀ. ਡੀ. ਸਕਰੀਨ ਲਗਾਈ ਗਈ ਹੈ ਤਾਂ ਕਿ ਰੋਜ਼ਾਨਾ ਦਾ ਹੁਕਮਨਾਮਾ ਸੰਗਤਾਂ ਪੜ੍ਹਨ ਸਕਣ। ਮੁੱਖ ਦੁਆਰਾਂ ਨੂੰ ਆਧੁਨਿਕ ਯੰਤਰ ਲਗਾਏ ਗਏ ਹਨ ਤਾਂ ਕਿ ਧੂੰਆਂ ਸੈਂਟਰ ਐਕਟੀਵੇਟ ਹੋਣ ‘ਤੇ ਇਹ ਆਪਣੇ-ਆਪ ਖੁੱਲ੍ਹ ਸਕਣ। ਗੁਰੂ ਗ੍ਰੰਥ ਸਾਹਿਬ ਦੇ ਪ੍ਰਕਾਸ਼ ਅਸਥਾਨ ਦੇ ਪਿਛਲੇ ਪਾਸੇ ਦੀ ਦੀਵਾਰ ਦੇ ਉਤੇ ਜੰਡੀ ਪਰਿਵਾਰ ਵੱਲੋਂ ਇਕ ਵੱਡ ਅਕਾਰੀ ਸ੍ਰੀ ਹਰਿਮੰਦਰ ਸਾਹਿਬ ਦੀ ਤਸਵੀਰ ਲਗਾਈ ਗਈ ਹੈ। ਇਕ ਵੱਡ ਆਕਾਰੀ ਤਸਵੀਰ ਲੰਗਰ ਹਾਲ ਵਿਚ ਵੀ ਲਗਾਈ ਜਾ ਰਹੀ ਹੈ। ਲੰਗਰ ਹਾਲ ਦੇ ਵਿਚ ਪੰਕਤਾਂ ਦੇ ਢੋਅ ਲਾ ਕੇ ਬੈਠਣ ਲਈ ਚੁਫ਼ੇਰੇ ਪਲਾਈ-ਵੁੱਡ ਦੀਆਂ ਸ਼ੀਟਾਂ ਲਗਾਈਆਂ ਗਈਆਂ ਹਨ। ਪੰਕਤਾਂ ਦੇ ਬੈਠਣ ਵਾਲੇ ਲੰਗਰ ਫਰਸ਼ ਨੂੰ ਦੁਬਾਰਾ ਫਰਨਿਸ਼ ਕੀਤਾ ਗਿਆ ਹੈ। ਨੋ-ਪਾਰਕਿੰਗ ਖੇਤਰ ਵਿਚ ਸੰਗਤਾਂ ਦੇ ਸਹਿਯੋਦ ਸਦਕਾ ਸਟੀਲ ਅਤੇ ਲੱਕੜ ਦੇ ਪਾਵੇ ਲਗਾ ਕੇ ਸੰਗਲ ਲਗਾ ਦਿੱਤੇ ਗਏ ਹਨ ਤਾਂ ਕਿ ਹਰਾ-ਭਰਾ ਘਾਹ ਸੁਰੱਖਿਅਤ ਰਹਿ ਸਕੇ। ਖੇਡ ਮੈਦਾਨਾਂ ਦੇ ਘਾਹ ਨੂੰ ਹਫਤਾਵਾਰੀ ਕੱਟ ਕੇ ਕਿਸੇ ਖੇਡ ਸਟੇਡੀਆਂ ਵਾਂਗ ਕੀਤਾ ਜਾ ਰਿਹਾ ਹੈ। ਬਾਥਰੂਮਾਂ, ਹੱਥ ਸਾਫ਼ ਕਰਨ ਵਾਲੇ ਸਿੰਕ, ਪੈਰ ਧੋਣ ਲਈ ਹੌਦੀਆਂ ਅਤੇ ਹੋਰ ਸਬੰਧਿਤ ਕਾਰਜ ਨਵੇਂ ਸਿਰੇ ਤੋਂ ਕੀਤੇ ਜਾ ਰਹੇ ਹਨ। ਇਸ ਤੋਂ ਇਲਾਵਾ ਹੋਰ ਵੀ ਕਈ ਤਰਾਂ ਦੇ ਵਿਸ਼ੇਸ਼ ਕੰਮ ਆਰੰਭ ਹਨ ਜਿਨ੍ਹਾਂ ਨੂੰ ਵਰ੍ਹੇਗੰਢ ਤੱਕ ਸੰਪੂਰਨ ਕੀਤਾ ਜਾ ਰਿਹਾ ਹੈ। ਅੱਜ ਦੇ ਸਮਾਗਮ ਸਵ. ਰਘਬੀਰ ਸਿੰਘ ਜੰਡੀ ਦੇ ਪਰਿਵਾਰ ਵੱਲੋਂ ਉਲੀਕੇ ਗਏ ਸਨ ਜਿਸ ਦੇ ਵਿਚ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਤੋਂ ਇਲਾਵਾ ਭਾਰੀ ਸੰਗਤ ਸ਼ਾਮਿਲ ਸੀ। ਗੁਰਦੁਆਰਾ ਸਾਹਿਬ ਦੇ ਹਜ਼ੂਰੀ ਰਾਗੀ ਜਥੇ ਵੱਲੋਂ ਇਸ ਮੌਕੇ ਕੀਰਤਨ ਕੀਤੇ ਗਏ ਜਦ ਕਿ ਭਾਈ ਗੁਰਪਾਲ ਸਿੰਘ ਵੱਲੋਂ ਕਥਾ ਕੀਤੀ ਗਈ। ਅਗਲੇ ਹਫ਼ਤੇ ਤੋਂ ਬੀਬੀ ਜਸਪ੍ਰੀਤ ਕੌਰ (ਫਿਜ਼ੀਓਥੈਰੇਪਿਸਟ) ਵੀ ਬੀਬੀਆਂ ਦੇ ਸਬੰਧਿਤ ਇਲਾਜ਼ ਲਈ ਨਿਸ਼ਕਾਮ ਸੇਵਾ ਵਾਸਤੇ ਹਾਜ਼ਿਰ ਹੋਇਆ ਕਰਨਗੇ।

ਸਿੱਖ ਸਿਆਸਤ ਵੱਲੋਂ ਇਕੱਤਰ ਕੀਤੀ ਗਈ ਜਾਣਕਾਰੀ ਅਨੁਸਾਰ ਐ. ਬੀ. ਸੀ. ਉੱਤੇ 19 ਜਨਵਰੀ, 2012 ਨੂੰ ਪ੍ਰਸਾਰਤ ਹੋਏ ਇਕ ਪ੍ਰੋਗਰਾਮ ਵਿਚ ਜੇਅ ਲੇਨੋ ਤੇ ਉਸ ਦੇ ਸਾਥੀਆਂ ਨੇ ਮਜਾਕੀਆਂ ਤੇ ਭੱਦੇ ਲਹਿਜੇ ਵਿਚ ਸ਼੍ਰੀ ਦਰਬਾਰ ਸਾਹਿਬ ਨੂੰ ਅਮਰੀਕੀ ਵਪਾਰੀ ਤੇ ਸਿਆਸਤਦਾਨ ਮਿੱਟ ਰੋਮਨੇ ਦਾ ਗਰਮੀਆਂ ਦਾ ਛੁੱਟੀਆਂ ਮਨਾਉਣ ਵਾਲਾ ਮਹਿਲ ਦੱਸਿਆ। ਦਰਬਾਰ ਸਾਹਿਬ ਦੇ ਨਿਆਰੇ ਮਹੱਤਵ ਨੂੰ ਦੇਖਦੇ ਹੋਏ ਇਹ ਟਿੱਪਣੀ ਅਤਿ ਦਰਜੇ ਦੀ ਘਟੀਆ ਟਿੱਪਣੀ ਹੀ ਕਹੀ ਜਾ ਸਕਦੀ ਹੈ।

ਜਿਵੇਂ-ਜਿਵੇਂ ਇਹ ਗੱਲ ਅਮਰੀਕਾ ਦੇ ਸਿੱਖਾਂ ਵਿਚ ਫੈਲਣੀ ਸ਼ੁਰੂ ਹੋਈ ਹੈ ਓਵੇਂ-ਓਵੇਂ ਹੀ ਇਹ ਟਿੱਪਣੀ ਪ੍ਰਸਾਰਤ ਕਰਨ ਵਾਲੇ ਚੈਨਲ ਤੇ ਕਲਾਕਾਰ ਵਿਰੁੱਧ ਰੋਹ ਪੈਦਾ ਹੋਣਾ ਸ਼ੁਰੂ ਹੋ ਗਿਆ। ਹੁਣ ਜਦੋਂ ਇਹ ਖਬਰ ਦੁਨੀਆ ਦੇ ਕੋਨੇ-ਕੋਨੇ ਵਿਚ ਫੈਲਣੀ ਸ਼ੁਰੂ ਹੋ ਚੁੱਕੀ ਹੈ ਤੇ ਚੈਨਲ ਵਿਰੁੱਧ ਰੋਹ ਵਧਦਾ ਜਾ ਰਿਹਾ ਹੈ। ਅਮਰੀਕਾ ਨਿਵਾਸੀ ਸਿੱਖ ਭਾਈ ਹਰਜੋਤ ਸਿੰਘ ਖਾਲਸਾ ਵੱਲੋਂ ਇਸ ਰੋਸ ਲਹਿਰ ਨੂੰ ਲਾਮਬੰਦ ਕਰਨ ਲਈ ਸਮਾਜਕ ਸੰਪਰਕ ਮੰਚ “ਫੇਸਬੁੱਕ” ਉੱਤੇ “ਬਾਈਕਾਟ ਜੇਅ ਲੇਨੋ” ਨਾਮੀ ਗਰੁੱਪ ਕਾਇਮ ਕੀਤਾ ਗਿਆ ਹੈ। ਮਹਿਜ 18 ਘੰਟਿਆਂ ਵਿਚ ਹੀ ਇਸ ਗਰੁੱਪ ਦੇ 900 ਤੋਂ ਵੱਧ ਮੈਂਬਰ ਬਣ ਚੁੱਕੇ ਹਨ ਤੇ ਇਹ ਗਿਣਤੀ ਲਗਾਤਾਰ ਵਧਦੀ ਜਾ ਰਹੀ ਹੈ।

ਇਸ ਗੁਰੱਪ ਵਿਚ ਮੈਂਬਰਾਂ ਨੂੰ ਮਸਲੇ ਬਾਰੇ ਜਾਣਕਾਰੀ ਦਿੱਤੀ ਜਾ ਰਹੀ ਹੈ ਅਤੇ ਐਨ. ਬੀ. ਸੀ. ਚੈਨਲ ਦੇ ਟੈਲੀਫੋਨ ਨੰਬਰ ਦਿੱਤੇ ਗਏ ਹਨ, ਜਿਥੇ ਲਗਾਤਾਰ ਫੋਨ ਕਰਕੇ ਸਿੱਖ ਆਪਣਾ ਰੋਹ ਚੈਨਲ ਦੇ ਪ੍ਰਬੰਧਕਾਂ ਤੱਕ ਪਹੁੰਚਾ ਹਰੇ ਹਨ।

ਭਾਈ ਹਰਜੋਤ ਸਿੰਘ ਖਾਲਸਾ ਵੱਲੋਂ ਜਾਣਕਾਰੀ ਦਿੱਤੀ ਗਈ ਹੈ ਕਿ ਸ਼ੁਰੂ ਵਿਚ ਚੈਨਲ ਦੇ ਪ੍ਰਬੰਧਕ ਇਹ ਕਹਿ ਕੇ ਸਾਡੇ ਵਿਰੋਧ ਨੂੰ ਨਜ਼ਰਅੰਦਾਜ਼ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ ਕਿ ਉਹ ਇਸਾਈ ਗਿਰਜਾਘਰਾਂ ਬਾਰੇ ਵੀ ਅਜਿਹੀਆਂ ਟਿੱਪਣੀਆਂ ਕਰਦੇ ਰਹੇ ਹਨ, ਪਰ ਹੁਣ ਜਦੋਂ ਹੋਰ ਵੱਧ ਸਿੱਖਾਂ ਨੇ ਆਪਣਾ ਰੋਹ ਚੈਨਲ ਤੱਕ ਪਹੁੰਚਾਉਣਾ ਸ਼ੁਰੂ ਕਰ ਦਿੱਤਾ ਹੈ ਤਾਂ ਹੁਣ ਪ੍ਰਬੰਧਕਾਂ ਨੂੰ ਮਸਲੇ ਦੀ ਗੰਭੀਰਤਾ ਦਾ ਅਹਿਸਾਸ ਹੋਣਾ ਸ਼ੁਰੂ ਹੋ ਗਿਆ ਹੈ। ਚੈਨਲ ਦੀ ਇਕ ਕਾਰਕੁੰਨ ਨੇ ਇਕ ਸਿੱਖ ਸਿਕਾਇਤਕਰਤਾ ਨੂੰ ਕਿਹਾ ਕਿ ਲਗਦਾ ਹੈ ਕਿ ਸਾਡੇ ਕੋਲੋਂ ਕੋਈ ਭਾਰੀ ਗਲਤੀ ਹੋ ਗਈ ਹੈ।

ਇਸ ਮਸਲੇ ਉੱਤੇ ਉੱਠ ਰਹੇ ਰੋਹ ਨੂੰ ਲਾਮਬੱਧ ਕਰਨ ਵਿਚ ਪੰਜਾਬੀ ਰੇਡੀਓ ਯੂ. ਐਸ. ਏ. ਵੱਲੋਂ ਵੀ ਵੱਡੀ ਭੂਮਿਕਾ ਨਿਭਾਈ ਜਾ ਰਹੀ ਹੈ।

ਸਮਾਗਮ ਵਿਚ ਹਾਜ਼ਰੀ ਭਰ ਰਹੀਆਂ ਸੰਗਤਾਂ

ਇਸ ਮੌਕੇ ਗੁਰਦਵਾਰਾ ਸਾਹਿਬ ਵਿਖੇ ਸਵੇਰ ਵੇਲੇ ਤੋਂ ਲੈ ਕੇ ਸਾਮ ਤੱਕ ਵਿਸੇ਼ਸ਼ ਸ਼ਹੀਦੀ ਦੀਵਾਨ ਸਜਾਇਆਂ ਗਿਆ। ਸਿੱਖ ਫ਼ੈਡਰੇਸ਼ਨ ਯੂ.ਕੇ ਵਲੋਂ ਸੰਗਤਾਂ ਦੇ ਸਹਿਯੋਗ ਨਾਲ ਸਵੇਰ ਵੇਲੇ ਸ਼ਹੀਦਾਂ ਦੀ ਯਾਦ ਵਿਚ ਸੀ੍ ਆਖੰਡ ਪਾਠ ਸਾਹਿਬ ਦੇ ਭੋਗ ਪਏ ਗਏ, ਉਪਰੰਤ ਵਿਸ਼ੇਸ਼ ਸ਼ਹੀਦੀ ਦੀਵਾਨ ਸਜਾਇਆ ਗਿਆ, ਜਿਸ ਵਿੱਚ ਵੂਲਵਰਹੈਪਟਨ, ਕਵੈਟਰੀ, ਬਰਸਿਟਲ, ਲੈਸਟਰ, ਡਰਬੀ, ਅਮਰੀਕਾ, ਸਾਊਥਾਲ, ਹੇਜ਼, ਹੰਸਲੋ, ਬਰਮਿੰਘਮ, ਲੁਟਨ, ਰੈਡਿੰਗ ਆਦਿ ਤੋਂ ਸਿੱਖ ਸੰਗਤਾਂ ਬੱਸਾਂ, ਕਾਰਾਂ ਰਾਹੀਂ ਸ਼ਹੀਦ ਭਾਈ ਬੇਅੰਤ ਸਿੰਘ, ਸ਼ਹੀਦ ਭਾਈ ਸਤਵੰਤ ਸਿੰਘ, ਸ਼ਹੀਦ ਭਾਈ ਕੇਹਰ ਸਿੰਘ ਦੀ ਸ਼ਹੀਦੀ ਸਮਾਗਮ ਵਿੱਚ ਸ਼ਾਮਿਲ ਹੋਈਆਂ। ਇਸ ਮੌਕੇ ਗੁਰਦਵਾਰੇ ਦੇ ਹਜੂਰੀ ਰਾਗੀ ਭਾਈ ਸੁਰਜਨ ਸਿੰਘ ਬੰਬੇਵਾਲੇ, ਕਥਾ ਵਾਚਕ ਭਾਈ ਗੁਰਦੀਪ ਸਿੰਘ ਰਾਜਪੁਰੇ ਵਾਲੇ, ਭਾਈ ਮੰਗਲ ਸਿੰਘ ਗੁਰਦਾਸਪੁਰ ਵਾਲੇ, ਭਾਈ ਅਵਤਾਰ ਸਿੰਘ ਨੇ ਕੀਰਤਨ ਅਤੇ ਢਾਡੀ ਜਥਾ ਜਾਗੋ ਵਾਲਿਆਂ ਨੇ ਸ਼ਹੀਦੀ ਢਾਡੀ ਵਾਰਾਂ ਗਾ ਕੇ ਆਪਣੀ ਹਾਜ਼ਰੀ ਲਵਾਈ।

ਸ੍ਰ. ਨਵਤੇਜ ਸਿੰਘ ਦੇ ਪਿਤਾ ਜੀ ਨੂੰ ਸਨਮਾਨਤ ਕਰਦੇ ਹੋਏ ਸਿੱਖ ਫੈਡਰੇਸ਼ਨ ਦੇ ਆਗੂ

ਇਸ ਮੌਕੇ ਸਿੱਖ ਫ਼ੈਡਰੇਸ਼ਨ ਯੂ.ਕੇ ਦੇ ਚੈਅਰਮੈਂਨ ਭਾਈ ਅਮਰੀਕ ਸਿੰਘ ਗਿੱਲ ਨੇ ਸ਼ਹੀਦ ਸਿੰਘਾਂ ਨੂੰ ਆਪਣੀ ਸਰਧਾ ਦੇ ਫੁੱਲ ਭੇਟ ਕਰਦਿਆ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਪਰਕਾਸ਼ ਸਿੰਘ ਬਾਦਲ ਨੇ ਕੌਮ ਦਾ ਬਹੁਤ ਜਿਆਦਾ ਨੁਕਸਾਨ ਕੀਤਾ ਹੈ ਅਤੇ ਸੀ੍ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਸਿੱਖ ਕੌਮ ਦਾ ਸਭ ਤੋਂ ਵੱਧ ਨੁਕਸਾਨ ਕਰਨ ਵਾਲੇ ਬਾਦਲ ਨੂੰ ‘ਫ਼ਖਰੇ-ਏ-ਕੌਮ’ ਐਵਾਰਡ ਦੇ ਕੇ ਸਨਮਾਨ ਕਰ ਰਹੇ ਹਨ, ਜੋ ਨਿੰਦਣਯੋਗ ਹੈ। ਭਾਈ ਗਿੱਲ ਨੇ ਕਿਹਾ ਕਿ ਜਥੇਬੰਦੀ ਸਮੇਂ ਸਮੇਂ ਸਿਰ ਤੇ ਯੂ.ਕੇ ਅਤੇ ਪੰਜਾਬ ਅੰਦਰ ਸਿੱਖ ਕੌਮ ਦੇ ਮਸਲਿਆ ਨੂੰ ਉਭਾਰ ਦੀ ਰਹੀ ਹੈ ਅਤੇ ਜਥੇਬੰਦੀ ਨੇ ਸਿੱਖਾਂ ਦੇ ਅਨੇਕਾਂ ਮਸਲਿਆ ਨੂੰ ਸਰਕਾਰ ਨਾਲ ਗੱਲਬਾਤ ਕਰਕੇ ਹੱਲ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਜਥੇਬੰਦੀ ਹਰ ਸਾਲ ਇਕ ਕਿਤਾਬਚਾ ਜਾਰੀ ਕਰਕੇ ਜਥੇਬੰਦੀ ਵਲੋਂ ਸਾਲ ਭਰ ਵਿਚ ਕੀਤੇ ਕੰਮਾਂ ਨੂੰ ਵਿਸਥਾਰ ਨਾਲ ਦੱਸਿਆ ਜਾਂਦਾ ਹੈ। ਇਸ ਮੌਕੇ ਭਾਈ ਗਿੱਲ ਨੇ ‘ਖਾਲਿਸਤਾਨ-ਜਿੰਦਾਬਾਦ’ ਦੇ ਨਾਅਰੇ ਲਾਏ ਗਏ, ਜਿਸ ਦਾ ਸੰਗਤਾਂ ਨੇ ਬੜੀ ਗਰਮ ਜੋਸੀ਼ ਨਾਲ ਜਵਾਬ ਦੇ ਕੇ ਸ਼ਹੀਦਾਂ ਨੂੰ ਆਪਣੀ ਸਰਧਾਜ਼ਲੀ ਦਿੱਤੀ ਗਈ। ਜ਼ਿਕਰਯੋਗ ਹੈ ਕਿ ਖਾਲਿਸਤਾਨ-ਜਿੰਦਾਬਾਦ ਦੇ ਨਾਅਰੇ ਲੱਗਣ ਸਮੇਂ ਸਮੂਚੇ ਦੀਵਾਨ ਹਾਲ ਅੰਦਰ ਤੇ ਬਾਹਰ ਬੜੇ ਗਰਮਜ਼ੋਸ਼ੀ ਨਾਲ ਸੰਗਤਾਂ ਜਵਾਬ ਦੇ ਰਹੀਆਂ ਸਨ ਅਤੇ ਸੰਗਤਾਂ ਵਲੋਂ ਅਜਿਹਾ ਸਮਾਗਮ ਕਰਵਾਉਣ ਲਈ ਕਮੇਟੀ ਮੈਂਬਰਾਂ ਅਤੇ ਸਿੱਖ ਫ਼ੈਡਰੇਸ਼ਨ ਦੇ ਸਲੋਹ ਯੂਨਿਟ ਨੂੰ ਵਧਾਈਆਂ ਦਿੱਤੀਆਂ ਜਾ ਰਹੀਆਂ ਸਨ।
ਇਸ ਮੌਕੇ ਭਾਈ ਚਰਨਜੀਤ ਸਿੰਘ ਨੇ ਸ਼ਹੀਦਾਂ ਨੂੰ ਆਪਣੀ ਸਰਧਾ ਦੇ ਫੂੱਲ ਭੇਟ ਕਰਦਿਆ ਕਿਹਾ ਕਿ ਸ਼ਹੀਦ ਕੌਮ ਦਾ ਸਰਮਾਇਆ ਹੁੰਦੇ ਹਨ, ਸ਼ਹੀਦਾਂ ਦੇ ਦਿਨ ਮਨਾਉਣ ਸਾਡਾ ਸਭ ਦਾ ਫ਼ਰਜ਼ ਬਣਦਾ ਹੈ। ਉਨ੍ਹਾਂ ਵਲੋਂ ਸੰਨ 78 ਤੋਂ ਸੰਘਰਸ ਸੁਰੂ ਹੋਣ ਤੋਂ ਲੈ ਕੇ ਸੰਘਰਸ ਵਿੱਚ ਆਏ ਉਤਰਾਅ ਝੜਾਅ ਬਾਰੇ ਬੜੇ ਸਚੁੱਜੇ ਢੰਗ ਨਾਲ ਸੰਗਤਾਂ ਨੂੰ ਜਾਣਕਾਰੀ ਦਿੱਤੀ ਗਈ।
ਇਸ ਮੌਕੇ ਪੰਜਾਬ ਤੋਂ ਵਿਦਿਆਰਥੀ ਵੀਜ਼ੇ ਤੇ ਆਈ ਵਿਦਿਆਰਥਣ ਬੀਬੀ ਕਮਲਜੀਤ ਕੌਰ ਨੇ ਕਿਹਾ ਕਿ ਅੱਜ ਪੰਜਾਬ ਵਿੱਚ ਕੈਪਟਨ ਤੇ ਬਾਦਲ ਛਾਏ ਹੋਏ ਹਨ। ਪੰਜਾਬ ਦੇ ਪਿੰਡਾਂ ਵਿਚ ਤਾਂ ਸਾਬਤ ਸੂਰਤ ਸਿੰਘ ਕੋਈ ਵਿਰਲਾ ਹੀ ਦਿੱਖਦਾ ਹੈ ਪਰ ਸ਼ਹਿਰਾਂ ਅੰਦਰ ਇਸ ਦੀ ਗਿਣਤੀ ਕੁਝ ਹੱਦ ਤੱਕ ਠੀਕ ਹੈ। ਪੰਜਾਬ ਅੰਦਰ ਅੱਜ ਨਸੇ਼ ਦਾ ਦਰਿਆ ਵੱਗ ਰਿਹਾ ਹੈ ਪਰ ਉਨ੍ਹਾਂ ਨੂੰ ਸਾਭਣ ਵਾਲਾ ਕੋਈ ਨਹੀਂ। ਇਸ ਮੌਕੇ ਬੀਬੀ ਕਮਲਜੀਤ ਕੌਰ ਨੇ ਸਿੱਖ ਆਗੂਆਂ ਨੂੰ ਅਪੀਲ ਕੀਤੀ ਕੀ ਖਾਲਿਸਤਾਨ ਤਾਂ ਪੰਜਾਬ ਵਿੱਚ ਬਣਾਉਣ ਹੈ ਪਰ ਉਥੇ ਦੀ ਨੋਜਵਾਨੀ ਤਾਂ ਨਸੇæ ਅਤੇ ਵਿਦੇਸਾਂ ਵੱਲ ਭੱਜ ਰਹੀ ਹੈ। ਅੱਜ ਲੋੜ ਉਨਾਂ ਨੂੰ ਵਿਦਿਆ ਅਤੇ ਸਿੱਖੀਂ ਵੱਲ ਜੋੜਨ ਦੀ ਹੈ।
ਇਸ ਮੌਕੇ ਪੰਜਾਬ ਪੁਲਸ ਅਤੇ ਸਿੱਖਾਂ ਦੇ ਕਾਤਲ ਸੂਮੈਧ ਸੈਣੀ ਦੀ ਕਾਲੀ ਬਿੱਲੀ ਨਿਹੰਗ ਅਜੀਤ ਪੂਹਲੇ ਨੂੰ ਅੰਮ੍ਰਿਤਸਰ ਜੇਲ ਅੰਦਰ ਅੱਗ ਲਾ ਕੇ ਸਾੜਨ ਵਾਲੇ ਸ ਨਵਤੇਜ ਸਿੰਘ ਦੇ ਪਿਤਾ ਸ ਖੇਮ ਸਿੰਘ ਅਮਰੀਕਾ ਨੂੰ ਸਿਰੋਪਾ ਅਤੇ ਮਾਇਕ ਸਹਾਇਤਾ ਦੇ ਕੇ ਸਿੱਖ ਫ਼ੈਡਰੇਸ਼ਨ ਯੂ.ਕੇ ਦੇ ਚੈਅਰਮੈਂਨ ਭਾਈ ਅਮਰੀਕ ਸਿੰਘ ਗਿੱਲ, ਭਾਈ ਭੂਪਿੰਦਰ ਸਿੰਘ ਸਲੋਹ ਵਲੋਂ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਸ ਖੇਮ ਸਿੰਘ ਨੇ ਸ਼ਹੀਦਾਂ ਨੂੰ ਆਪਣੀ ਸਰਧਾ ਦੇ ਫ਼ੁੱਲ ਭੇਟ ਕਰਦਿਆ ਕਿਹਾ ਕਿ ਨਵਤੇਜ ਸਿੰਘ ਨੇ ਜੋ ਕੀਤਾ ਉਸ ਦਾ ਸਾਨੂੰ ਉਸ ਉਤੇ ਮਾਣ ਹੈ। ਉਨ੍ਹਾਂ ਨੇ ਇਸ ਮੌਕੇ ਇਕ ਖੁਲਾਸਾ ਕਰਦਿਆ ਕਿਹਾ ਕਿ ਬੀਤੇ ਦਿਨੀਂ ਸੂਮੈਧ ਸੈਣੀ ਦੇ ਇਸ਼ਾਰੇ ਤੇ ਕਪੂਰਥਲਾ ਜੇਲ ਅੰਦਰ ਨਵਤੇਜ ਸਿੰਘ ਨੂੰ ਮਾਰਨ ਲਈ ਇਕ ਸ਼ਾਜ਼ਿਸ ਅਧੀਨ ਮਾਰਨ ਲਈ ਹਮਲਾ ਕੀਤਾ ਗਿਆ। ਉਸ ਹਮਲੇ ਵਿਚ ਨਵਤੇਜ ਸਿੰਘ ਤਾਂ ਵਾਹਿਗੁਰੂ ਦੀ ਅਪਾਰ ਕ੍ਰਿਪਾ ਸਦਕਾ ਬਚ ਗਿਆ ਪੰਰਤੂ ਉਸ ਜੇਲ ਵਿੱਚ ਹੋਏ ਝਗੜੇ ਵਿੱਚ ਦੋ ਵਿਅਕਤੀ ਹਿੰਸਾ ਦੀ ਭੇਟ ਚੜ ਗਏ।
ਇਸ ਮੌਕੇ ਸਭਾ ਦੇ ਮੁਖ ਸੇਵਾਦਾਰ ਸ ਸਾਧੂ ਸਿੰਘ ਜੋਗੀ ਨੇ ਸ਼ਹੀਦਾਂ ਨੂੰ ਆਪਣੀ ਸਰਧਾ ਦੇ ਫ਼ੁੱਲ ਭੇਟ ਕਰਦਿਆ ਆਈਆ ਸੰਗਤਾਂ ਦਾ ਸਮਾਗਮ ਵਿੱਚ ਆਉਣ ਤੇ ਧੰਨਵਾਦ ਕੀਤਾ ਗਿਆ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਸਾਨੂੰ ਇਕਜੁੱਟ ਹੋ ਕੇ ਆਪਣੇ ਨਿਸ਼ਾਨੇ ਦੀ ਪ੍ਰਾਪਤੀ ਵੱਲ ਵੱਧਣਾ ਚਾਹੀਦਾ ਹੈ। ਇਸ ਮੌਕੇ ਸਟੇਜ ਸਕੱਤਰ ਸ ਜਸਵੰਤ ਸਿੰਘ ਰੰਧਾਵਾ ਨੇ ਸਟੇਜ ਦੀ ਭੂਮਿਕਾ ਬਹੁਤ ਵਧਿਆ ਤਰੀਕੇ ਨਾਲ ਨਿਭਾਈ ਗਈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਭਾਈ ਹਰਦੀਸ਼ ਸਿੰਘ, ਭਾਈ ਦਵਿੰਦਰਜੀਤ ਸਿੰਘ ਸਲੋਹ, ਭਾਈ ਭੂਪਿੰਦਰ ਸਿੰਘ, ਭਾਈ ਜਸਪਾਲ ਸਿੰਘ, ਭਾਈ ਰਣਬੀਰ ਸਿੰਘ, ਭਾਈ ਜਗੀਰ ਸਿੰਘ ਡਰਬੀ, ਭਾਈ ਮਲਕੀਤ ਸਿੰਘ ਬਰਮਿੰਘਮ, ਭਾਈ ਮੋਹਨਜੀਤ ਸਿੰਘ ਬਰਿਸਟਲ, ਭਾਈ ਮਲਕੀਤ ਸਿੰਘ ਵੂਲਵਰਹੈਮਪਟਨ, ਭਾਈ ਗੁਰਮੀਤ ਸਿੰਘ ਸਿੱਧੂ ਸਾਊਥਾਲ, ਭਾਈ ਸਤਨਾਮ ਸਿੰਘ ਲਾਮਿੰਗਟਨ, ਭਾਈ ਪਰਮਜੀਤ ਸਿੰਘ ਕਵੈਟਰੀ, ਭਾਈ ਗੁਰਜੀਤ ਸਿੰਘ ਲੈਸਟਰ, ਭਾਈ ਹਰਭਜਨ ਸਿੰਘ ਲੈਸਟਰ, ਭਾਈ ਹਰਭਜਨ ਸਿੰਘ ਸਲੋਹ ਆਦਿ ਸਿੱਖ ਆਗੂ ਹਾਜ਼ਿਰ ਸਨ। ਇਸ ਸ਼ਹੀਦਾਂ ਸਮਾਗਮ ਦਾ ਸਿੱਧਾ ਪ੍ਰਸਾਰਨ ਸਿੱਖ ਚੈਨਲ ਸਕਾਈ ਚੈਨਲ 840 ਤੋਂ ਸਵੇਰ ਤੋਂ ਲੈ ਕੇ ਸਮਾਗਮ ਦੇ ਅੰਤ ਤੱਕ ਕੀਤਾ ਗਿਆ, ਜਿਸ ਨੂੰ ਯੂ.ਕੇ ਅਤੇ ਯੂਰਪ ਦੀਆਂ ਸੰਗਤਾਂ ਨੇ ਘਰ ਬੈਠਿਆ ਵੇਖਿਆ ਗਿਆ।

ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਵਲੋਂ ਪ੍ਰਧਾਨ ਸ੍ਰ.ਨਿਰਮਲ ਸਿੰਘ ਸੰਧੁ ਅਤੇ ਜਨਰਲ ਸਕੱਤਰ ਸ੍ਰ.ਲਵਸਿ਼ੰਦਰ ਸਿੰਘ ਡੱਲੇਵਾਲ ਨੇ ਭਾਈ ਗੁਰਦੇਵ ਸਿੰਘ ਜੀ ਕਾਉਂਕੇ ਦੀ ਪੰਥ ਪ੍ਰਤੀ ਕੀਤੀ ਮਹਾਨ ਕੁਰਬਾਨੀ ਨੂੰ ਤਹਿ ਦਿਲੋਂ ਪ੍ਰਣਾਮ ਕਰਦਿਆਂ ਸ਼ਰਧਾ ਦੇ ਫੁੱਲ ਅਰਪਤ ਕੀਤੇ ਹਨ। ਦਲ ਵਲੋਂ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਅਤੇ ਪੰਜਾਬ ਦੀਆਂ ਸਮੂਹ ਪੰਥਕ ਧਿਰਾਂ ਨੂੰ ਅਪੀਲ ਕੀਤੀ ਹੈ ਗਈ ਹੈ ਕਿ ਜਥੇਦਾਰ ਕਾਉਂਕੇ ਜਿਹਨਾਂ ਦਾ ਸ਼ਹੀਦੀ ਦਿਹਾੜਾ ਪਹਿਲੀ ਜਨਵਰੀ ਨੂੰ ਆਉਂਦਾ ਹੈ ਸ੍ਰੀ ਅਕਾਲ ਤਖਤ ਸਾਹਿਬ ਤੇ ਹਰ ਸਾਲ ਮਨਾਉਣ ਦੀ ਪਿਰਤ ਪਾਈ ਜਾਵੇ।ਯੂਨਾਈਟਿਡ ਖਾਲਸਾ ਦਲ ਵਲੋਂ ਸਮੁੱਚੀ ਸਿੱਖ ਕੌਮ ਨੂੰ ਅਪੀਲ ਕਰਦਿਆਂ ਆਖਿਆ ਗਿਆ ਕਿ ਜਥੇਦਾਰ ਕਾਉਂਕੇ ਦਾ ਹਰ ਕਦਮ ਹਰ ਕਾਰਜ ਸਿੱਖ ਕੌਮ ਦੇ ਉੱਜਲ ਭਵਿੱਖ ਨੂੰ ਸਮਰਪਤ ਸੀ ਇਸੇ ਕਰਕੇ ਜਗਰਾਉਂ ਦੇ ਤੱਤਕਾਲੀ ਪੁਲੀਸ ਮੁਖੀ ਦੁਸ਼ਟ ਸਵਰਨੇ ਘੋਟਣੇ ਨੇ ਉਹਨਾਂ ਨੂੰ ਅਣਮਨੁੱਖੀ ਤਸੀਹੇ ਦੇਣ ਮਗਰੋਂ ਪਹਿਲੀ ਜਨਵਰੀ 1993 ਨੂੰ ਸੇਵਸਾਰ ਸ਼ਹੀਦ ਕਰ ਦਿੱਤਾ ਸੀ।ਅੱਜ ਸਿੱਖ ਕੌਮ ਦਾ ਫਰਜ ਹੈ ਕਿ ਨਵੇਂ ਸਾਲ ਦੀ ਆਮਦ ਤੇ ਉਹਨਾਂ ਦੀ ਮਹਾਨ ਕੁਰਬਾਨੀ ਨੂੰ ਯਾਦ ਕਰਦਿਆਂ ਸਿਜਦਾ ਕੀਤਾ ਜਾਵੇ। ਯੂਨਾਈਟਿਡ ਖਾਲਸਾ ਦਲ ਵਲੋਂ ਨਵੇਂ ਸਾਲ ਦੀ ਆਮਦ ਤੇ ਸਮੂਹ ਸਿੱਖ ਜਗਤ ਨੂੰ ਮੁਬਾਰਕਵਾਦ ਦਿੰਦਿਆਂ ਆਖਿਆ ਗਿਆ ਕਿ ਅਸਲ ਮੁਬਾਰਕ ਉਦੋਂ ਹੋਵੇਗੀ ਜਦੋਂ ਸਿੱਖ ਕੌਮ ਅਜ਼ਾਦ ਸਿੱਖ ਰਾਜ ਖਾਲਿਸਤਾਨ ਦੀ ਮਾਲਕ ਹੋਵੇਗੀ । ਨਵੇਂ ਵਰ੍ਹੇ ਦੀ ਆਮਦ ਤੇ ਭਾਈ ਦਲਜੀਤ ਸਿੰਘ ਬਿੱਟੂ ,ਭਾਈ ਜਗਤਾਰ ਸਿੰਘ ਹਾਵਾਰਾ ,ਪ੍ਰਫੈਸਰ ਦਵਿੰਦਰਪਾਲ ਸਿੰਘ ਭੁੱਲਰ ਸਮੇਤ ਜੇਹਲਾਂ ਵਿੱਚ ਬੰਦ ਸਮੂਹ ਸਿੰਘਾਂ ਦੀ ਰਿਹਾਈ ਲਈ ਸ਼ੁੱਭ ਕਾਮਨਾ ਕਰਦਿਆਂ ਸਿੱਖ ਸੰਘਰਸ਼ ਦੀ ਚੜ੍ਹਦੀ ਕਲਾ ਲਈ ਅਰਦਾਸ ਕੀਤੀ ਗਈ ।

ਯੂਨਾਈਟਡ ਸਿੱਖਸ ਦੇ ਭਾਈ ਕਸ਼ਮੀਰ ਸਿੰਘ ਨੇ ਮਾਤਾ ਜੀ ਨੂੰ ਸਤਿਕਾਰ ਨਾਲ ਯਾਦ ਕਰਦਿਆਂ ਕਿਹਾ ਕਿ ਆਪਣੀਆਂ ਮਾਵਾਂ ਦੇ ਹੋਣ ਤੇ ਤੁਰ ਜਾਣ ਦੇ ਦਰਦਾਂ ਦੀ ਕਹਾਣੀ ਬਹੁਤ ਡੂੰਘੀ ਤੇ ਸਰਕਦੇ ਉਦਾਸ ਪਲਾਂ ਦੀ ਕਲਪਨਾਵਾਂ ਨਾਲ ਭਰਪੂਰ ਹੁੰਦੀ ਹੈ। ਭਾਈ ਗੁਰਮੀਤ ਸਿੰਘ ਖ਼ਾਲਸਾ ਨੇ ਭਾਵਪੂਰਤ ਵਿਚਾਰਾਂ ਨਾਲ ਮਾਤਾ ਜੀ ਅਤੇ ਉਨਾਂ ਦੇ ਮਹਾਨ ਪੁੱਤਰ ਭਾਈ ਹਰਜਿੰਦਰ ਸਿੰਘ ਜਿੰਦਾ ਬਾਰੇ ਕਿਹਾ ਕਿ ਮਹਾਨ ਸਿੱਖ ਪ੍ਰੰਪਰਾਵਾਂ ਦੀ ਰਖਵਾਲੀ ਲਈ ਫਾਂਸੀ ਦੇ ਰੱਸੇ ਨੂੰ ਗਲ ਵਿਚ ਪਾ ਲੈਣਾ, ਸੱਚ ਦੀ ਗਵਾਹੀ ਦੇਣ ਦੀ ਸਭ ਤੋਂ ਅਨੋਖੀ ਦਾਸਤਾਨ ਹੈ।

ਮਾਤਾ ਗੁਰਨਾਮ ਕੌਰ ਜੀ

ਸ਼ਿਕਾਗੋ ਤੋਂ ਵਿਸ਼ੇਸ਼ ਤੌਰ ’ਤੇ ਇਸੇ ਸਮਾਗਮ ਲਈ ਮਾਤਾ ਜੀ ਨੂੰ ਆਪਣੀ ਸ਼ਰਧਾ ਦੇ ਫੁੱਲ ਭੇਂਟ ਕਰਨ ਲਈ ਪਹੁੰਚੇ ਭਾਈ ਕੁਲਮੀਤ ਸਿੰਘ ਨੇ ਦੱਸਿਆ ਕਿ ਸਾਡੀ ਆਪਣੀ ਬੱਚੀ ਦੀ ਗੁੜ੍ਹਤੀ ਲਈ ਮਾਤਾ ਜੀ ਤੋਂ ਇਲਾਵਾ ਹੋਰ ਕੋਈ ਨਜ਼ਰ ਨਾ ਆਇਆ। ਆਪਣੇ ਵੀਚਾਰਾਂ ਦੀ ਲੜੀ ਨੂੰ ਅੱਗੇ ਤੋਰਦਿਆਂ ਉਨ੍ਹਾਂ ਮਾਤਾ ਗੁਰਨਾਮ ਕੌਰ ਜੀ ਦੀ ਆਤਮਿਕ ਅਵਸਥਾ ਬਾਰੇ ਚਾਨਣਾ ਪਾਉਂਦਿਆਂ ਦੱਸਿਆ ਕਿ ਉਸਨੇ ਮਾਤਾ ਜੀ ਵਿਚ ਬਹੁਤ ਕੁਝ ਅਜਿਹਾ ਵੇਖਿਆ, ਜੋ ਆਮ ਨਹੀਂ ਸੀ। ਉਹ ਭਾਈ ਜਿੰਦਾ ਦੀ ਸ਼ਹਾਦਤ ਦੇ ਜ਼ਿਕਰ ਨਾਲ ਮਾਣ ਤੇ ਫਖ਼ਰ ਨਾਲ ਭਰ ਜਾਂਦੇ ਸਨ। ਉਹ ਅਕਸਰ ਕਹਿੰਦੇ ਸਨ ਕਿ ਜਿੰਦਾ ਮੇਰਾ ਪੁੱਤਰ ਤਾਂ ਗੁਰੂ ਸਾਹਿਬ ਦੀ ਸੌਗਾਤ ਸੀ, ਜੋ ਕਿਸੇ ਨਿਸ਼ਾਨੇ ਦੀ ਪੂਰਤੀ ਲਈ ਆਇਆ ਤੇ ਚਲਾ ਗਿਆ ਪਰ ਜਾਣ ਤੋਂ ਪਹਿਲਾਂ ਉਹ ਵਾਇਦਾ ਕਰਕੇ ਗਿਆ ਸੀ ਕਿ ਦੁਸ਼ਮਣ ਉਸ ਕੋਲੋਂ ਉਸਦਾ ਨਾਮ ਵੀ ਨਹੀਂ ਪੁੱਛ ਸਕਣਗੇ ਤੇ ਇੰਜ ਹੀ ਹੋਇਆ। ਵੈਰੀ ਥੱਕ ਗਏ ਪਰ ਉਸਨੂੰ ਡੁਲਾ ਨਹੀਂ ਸਕੇ ਤੇ ਉਹ ਹੱਸਦਾ ਹੱਸਦਾ ਫਾਂਸੀ ਦਾ ਰੱਸਾ ਚੁੰਮ ਕੇ ਸ਼ਹੀਦ ਹੋ ਗਿਆ। ਕੁਲਮੀਤ ਸਿੰਘ ਹੁਰਾਂ ਕਿਹਾ ਕਿ ਮਾਤਾ ਜੀ ਨੇ ਅਸੂਲਾਂ ਦੀਆਂ ਲਕੀਰਾਂ ਖਿੱਚੀਆਂ ਜੋ ਆਉਣ ਵਾਲੀਆਂ ਮਾਵਾਂ ਲਈ ਪ੍ਰੇਰਨਾ ਸਰੋਤ ਹੋ ਸਕਦੀਆਂ ਨੇ।

ਵਾਸ਼ਿੰਗਟਨ ਡੀ.ਸੀ. ਤੋਂ ਵਿਸ਼ੇਸ਼ ਤੌਰ ’ਤੇ ਆਏ ਖਾਲਿਸਤਾਨ ਅਫੇਅਰਜ਼ ਸੈਂਟਰ ਦੇ ਸੰਚਾਲਕ ਡਾ. ਅਮਰਜੀਤ ਸਿੰਘ ਹੁਰਾਂ ਕਿਹਾ ਕਿ ਜਦ ਵੀ ਕੋਈ ਇਤਿਹਾਸਕਾਰ ਮੌਜੂਦਾ ਖਾਲਿਸਤਾਨੀ ਜੱਦੋਜਹਿਦ ਦਾ ਇਤਿਹਾਸ ਲਿਖੇਗਾ ਤਾਂ ਉਸ ਵਿਚ ਮਾਤਾ ਗੁਰਨਾਮ ਕੌਰ ਦਾ ਜ਼ਿਕਰ ਸੁਨਹਿਰੀ ਅੱਖਰਾਂ ਵਿਚ ਹੋਵੇਗਾ। ਡਾ: ਸਾਹਿਬ ਨੇ ਕਿਹਾ ਕਿ ਮਾਂਵਾਂ ਹੀ ਮਨੁੱਖ ਦਾ ਮਨ ਮਸਤਕ ਆਪਣੀ ਪਾਕਿ ਮੁਹੱਬਤ ਨਾਲ ਮਿੱਥਦੀਆਂ ਹਨ ਤੇ ਅਜਿਹੇ ਮਨੁੱਖ ਫਿਰ ਇਤਿਹਾਸ ਨੂੰ ਕੰਬਣੀ ਲਾ ਦੇਂਦੇ ਹਨ ਜਿਵੇਂ ਕਿ ਭਾਈ ਜਿੰਦੇ ਨੇ ਕਰ ਵਿਖਾਇਆ। ਖਾਲਿਸਤਾਨ, ਭਾਈ ਜਿੰਦਾ ਤੇ ਮਾਤਾ ਗੁਰਨਾਮ ਕੌਰ ਇੱਕ ਦੂਜੇ ਵਿੱਚ ਸਮਾਏ ਹੋਏ ਹਨ ਤੇ ਹਰ ਪੱਖ ਤੋਂ ਮਹਾਨ ਹਨ। ਡਾ: ਅਮਰਜੀਤ ਸਿੰਘ ਹੁਰਾਂ ਨੂੰ ਗੁਰਦੁਆਰਾ ਸਾਹਿਬ ਫਰੀਮਾਂਟ ਵੱਲੋਂ ਉਨਾਂ ਦੀਆਂ ਪੰਥਕ ਸੇਵਾਵਾਂ ਲਈ ਸਿਰੋਪਾਓ ਦੀ ਬਖਸ਼ਿਸ਼ ਨਾਲ ਸਨਮਾਨਿਤ ਕੀਤਾ ਗਿਆ।

ਉਸਤੋਂ ਬਾਦ ਸਾਡੇ ਲੋਕ ਅਖਬਾਰ ਦੇ ਪ੍ਰਬੰਧਕ ਭਾਈ ਸਤਨਾਮ ਸਿੰਘ ਖਾਲਸਾ ਅਤੇ ਯੂਨੀਅਨ ਸਿਟੀ ਦੇ ਸਿੱਖਿਆ ਵਿਭਾਗ ਦੇ ਚੁਣੇ ਹੋਏ ਮੈਂਬਰ ਬੀਬੀ ਸਰਬਜੀਤ ਕੌਰ ਚੀਮਾ ਨੇ ਮਾਤਾ ਜੀ ਨੂੰ ਆਪਣੀ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਉਪਰੰਤ ਭਾਈ ਪਰਪਾਲ ਸਿੰਘ ਦੇ ਜਥੇ ਨੇ ਸ਼ਬਦ ਕੀਰਤਨ ਨਾਲ ਸੰਗਤਾਂ ਨੂੰ ਨਿਹਾਲ ਕੀਤਾ। ਲੰਗਰਾਂ ਦੀ ਸੇਵਾ ਅਤੁੱਟ ਵਰਤਦੀ ਰਹੀ।