ਅੱਜ ਦੀ ਖਬਰਸਾਰ | 4 ਫਰਵਰੀ 2020 (ਦਿਨ ਮੰਗਲਵਾਰ) ਖਬਰਾਂ ਦੇਸ ਪੰਜਾਬ ਦੀਆਂ:
ਬਾਦਲਾਂ ਨੇ ਢੀਂਡਸੇ ਕੱਢੇ:
- ਆਖਿਰ ਬਾਦਲਾਂ ਨੇ ਢੀਂਡਸਿਆਂ ਨੂੰ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਵਿੱਚੋਂ ਕੱਢਣ ਦੀ ਰਹਿੰਦੀ ਕਾਰਵਾਈ ਵੀ ਕੀਤੀ ਪੂਰੀ।
- ਸੰਗਰੂਰ ਰੈਲੀ ਦੇ ਫ਼ੈਸਲੇ ਉੱਪਰ ਹੀ ਕੋਰ ਕਮੇਟੀ ਨੇ ਲਾ ਦਿੱਤੀ ਜੁਬਾਨੀ ਮੋਹਰ।
- ਨਹੀਂ ਕੀਤੀ ਕੋਈ ਵੱਖਰੀ ਰਸਮੀ ਕਾਰਵਾਈ।
- ਨਾ ਕੋਈ ਨੋਟਿਸ ਜਾਰੀ ਕੀਤਾ ਜਾਵੇਗਾ ਅਤੇ ਨਾ ਹੀ ਮਾਮਲਾ ਅਨੁਸ਼ਾਸਨ ਕਮੇਟੀ ਨੂੰ ਦਿੱਤਾ ਜਾਵੇਗਾ।
- ਖਬਰਖਾਨੇ ਨੂੰ ਇਹ ਜਾਣਕਾਰੀ ਸ਼੍ਰੋ.ਅ.ਦ. (ਬ) ਦੇ ਬੁਲਾਰੇ ਡਾਕਟਰ ਦਲਜੀਤ ਸਿੰਘ ਚੀਮਾ ਨੇ ਦਿੱਤੀ ਹੈ।
ਅਮਰਿੰਦਰ ਸਿੰਘ ਸਰਕਾਰ ਦੀ ਬਦਲੀ ਪੈਂਤੜੇਬਾਜ਼ੀ ਤੋਂ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਫਿਕਰਾਂ ਵਿਚ:
- ਕੈਪਟਨ ਸਰਕਾਰ ਦੀ ਬਦਲੀ ਪੈਂਤੜੇਬਾਜ਼ੀ ਤੋਂ ਅਕਾਲੀ ਦਲ ਬਾਦਲ ਪ੍ਰੇਸ਼ਾਨ
- ਮਾਮਲਾ ਹਰਿਆਣਾ ਚ ਵੱਖਰੀ ਗੁਰਦੁਆਰਾ ਕਮੇਟੀ ਬਣਾਉਣ ਦੇ ਮੁੱਦੇ ਦਾ
- ਕੀ ਇਸ ਮਾਮਲੇ ਉੱਪਰ ਨਵੇਂ ਸਿਰਿਉਂ ਘੜੀ ਜਾਵੇਗੀ ਰਣਨੀਤੀ
- ਕਿਹਾ ਸ਼੍ਰੋ.ਅ.ਦ. (ਬ) ਦੇ ਬੁਲਾਰੇ ਡਾਕਟਰ ਦਲਜੀਤ ਸਿੰਘ ਚੀਮਾ ਨੇ
- ਡਾ ਚੀਮਾ ਨੇ ਕਿਹਾ ਪਾਰਟੀ ਦਾ ਇੱਕ ਵਫ਼ਦ ਪੰਜਾਬ ਦੇ ਰਾਜਪਾਲ ਵੀਪੀ ਸਿੰਘ ਬਦਨੌਰ ਨੂੰ ਵੀ ਮਿਲੇਗਾ
- ਕਿਹਾ ਪੰਜਾਬ ਦੀ ਕਾਂਗਰਸ ਸਰਕਾਰ ਸ਼੍ਰੋ.ਗੁ.ਪ੍ਰ. ਕਮੇਟੀ ਨੂੰ ਤੋੜਨ ਦੀ ਕੋਸ਼ਿਸ਼ ਕਰ ਰਹੀ ਹੈ
- ਕਿਹਾ ਪੰਜਾਬ ਪੁਨਰਗਠਨ ਐਕਟ 1966 ਦੇ ਮੁਤਾਬਕ ਸ਼੍ਰੋਮਣੀ ਕਮੇਟੀ ਪਾਰਲੀਮੈਂਟ ਦੇ ਐਕਟ ਅਧੀਨ ਕੰਮ ਕਰ ਰਹੀ ਹੈ
- ਡਾਕਟਰ ਚੀਮਾ ਨੇ ਕਿਹਾ ਇਹ ਇਕ ਅੰਤਰਰਾਜੀ ਮਾਮਲਾ ਹੈ
- ਇਸ ਲਈ ਹਰਿਆਣਾ ਸਰਕਾਰ ਨੂੰ ਸੰਸਦ ਦੇ ਇਸ ਕਾਨੂੰਨ ਵਿੱਚ ਛੇੜਛਾੜ ਕਰਨ ਦਾ ਕੋਈ ਅਧਿਕਾਰ ਨਹੀਂ ਹੈ
- ਖ਼ਬਰਖਾਨੇ ਮੁਤਾਬਕ ਅਕਾਲੀ ਦਲ ਬਾਦਲ ਅਤੇ ਐੱਸਜੀਪੀਸੀ ਵੱਲੋਂ ਸ਼੍ਰੋਮਣੀ ਕਮੇਟੀ ਦੀਆਂ ਆਮ ਚੋਣਾਂ ਨੂੰ ਟਾਲਣ ਲਈ ਪੂਰਾ ਜ਼ੋਰ ਲੱਗਿਆ ਹੋਇਆ ਹੈ
ਨੌਜਵਾਨੀ ਦੀ ਵਿਦੇਸ਼ਾਂ ਵੱਲ ਦੌੜ ਚ ਕੌਣ ਮੋਹਰੀ ਹੈ?:
- ਵਿਦੇਸ਼ਾਂ ਨੂੰ ਜਾਣ ਦੇ ਚਾਹਵਾਨਾਂ ਵਿੱਚ 70 ਫ਼ੀਸਦੀ ਨੌਜਵਾਨ ਪੰਜਾਬ ਦੀ ਕਿਸਾਨੀ ਪਿਛੋਕੜ ਵਾਲੇ
- ਇਹ ਗੱਲ ਹਾਲ ਹੀ ਵਿੱਚ ਹੋਏ ਇੱਕ ਅਧਿਐਨ ਨੂੰ ਤੋਂ ਆਈ ਸਾਹਮਣੇ
- ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ ਖੇਤਰੀ ਕੇਂਦਰ ਦੇ ਪ੍ਰੋਫੈਸਰ ਕਮਲਜੀਤ ਸਿੰਘ ਅਤੇ ਡਾਕਟਰ ਰਕਸ਼ਿੰਦਰ ਕੌਰ ਵੱਲੋਂ ਕੀਤਾ ਗਿਆ ਅਧਿਐਨ
- ਵਿਦੇਸ਼ ਜਾਣ ਦੇ ਚਾਹਵਾਨਾਂ ਵਿੱੱਚੋਂ 79 ਫੀਸਦੀ ਪੇਂਡੂ ਪਿਛੋਕੜ ਵਾਲੇ ਹਨ
- ਅਧਿਐਨ ਮੁਤਾਬਕ ਵਿਦੇਸ਼ ਜਾਣ ਲਈ ਸਭ ਤੋਂ ਜ਼ਿਆਦਾ “ਸਿੱਖਿਆ ਹਾਸਲ ਕਰਨ ਦਾ ਰਾਹ” ਹੀ ਅਪਣਾਇਆ ਜਾ ਰਿਹਾ ਹੈ
- ਅਧਿਐਨ ਮੁਤਾਬਕ ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਛੋਟੇ ਜਾਂ ਸੀਮਤ ਕਿਸਾਨ ਪਰਿਵਾਰਾਂ ਦੇ ਨੌਜਵਾਨ ਹਨ
- 56 ਫੀਸਦੀ ਅਜਿਹੇ ਪਰਿਵਾਰ ਹਨ ਜਿਨ੍ਹਾਂ ਕੋਲ ਪੰਜ ਏਕੜ ਤੋਂ ਵੀ ਘੱਟ ਜ਼ਮੀਨ ਹੈ
- ਸਰਕਾਰੀ ਮੁਲਾਜ਼ਮਾਂ ਦੇ 16.5 ਫ਼ੀਸਦੀ ਬੱਚੇ ਵਿਦੇਸ਼ ਜਾਣ ਤਰਜੀਹ ਦੇ ਰਹੇ ਹਨ
- ਅਧਿਐਨ ਮੁਤਾਬਕ ਵਿਦੇਸ਼ ਜਾਣ ਦੇ ਚਾਹਵਾਨਾਂ ਵਿੱਚ ਕੁੜੀਆਂ ਦੀ ਗਿਣਤੀ ਮੁੰਡਿਆਂ ਦੇ ਮੁਕਾਬਲੇ ਲਗਾਤਾਰ ਵਧ ਰਹੀ ਹੈ
- ਅਧਿਐਨ ਮੁਤਾਬਕ 17 ਫ਼ੀਸਦੀ ਨੌਜਵਾਨ ਜ਼ਮੀਨ ਜਾਇਦਾਦ ਵੇਚ ਕੇ ਜਾ ਰਹੇ ਹਨ
- ਜਦ ਕਿ 37 ਫ਼ੀਸਦੀ ਨੌਜਵਾਨ ਕਰਜ਼ਾ ਚੁੱਕ ਕੇ ਵਿਦੇਸ਼ ਜਾਣ ਦੇ ਚਾਹਵਾਨ ਹਨ