ਜਲੰਧਰ (11 ਦਸੰਬਰ, 2015): ਆਮ ਆਦਮੀ ਪਾਰਟੀ ਨੇ ਪੰਜਾਬ ਵਿਧਾਨ ਸਭਾ 2017 ਦੀਆਂ ਚੋਣਾਂ ਨੂੰ ਮੁਖ ਰੱਖਦਿਆਂ ਪੰਜਾਬ ਵਿੱਚ ਆਪਣਾ ਅਧਾਰ ਮਜਬੂਤ ਕਰਨ ਲਈ ਸੂਬੇ ਵਿੱਚ ਪਾਰਟੀ ਦੀ ਨਵੀਂ ਨੌਜਵਾਨ ਸ਼ਾਖਾ ਦਾ ਐਲਾਨ ਕਰ ਦਿੱਤਾ ਹੈ।
ਆਮ ਆਦਮੀ ਪਾਰਟੀ ਦੇ ਪੰਜਾਬ ਦੇ ਕਨਵੀਨਰ ਸ: ਸੁੱਚਾ ਸਿੰਘ ਛੋਟੇਪੁਰ ਤੇ ਨੌਜਵਾਨ ਸ਼ਾਖਾ ਪੰਜਾਬ ਦੇ ਪ੍ਰਧਾਨ ਹਰਜੋਤ ਸਿੰਘ ਬੈਂਸ ਵੱਲੋਂ ਜਥੇਬੰਦਕ ਢਾਂਚੇ ਦੀ ਜਾਰੀ ਸੂਚੀ ਵਿਚ ਇਕ ਸੂਬਾ ਸਕੱਤਰ, 5 ਮੀਤ ਪ੍ਰਧਾਨ, ਖਜ਼ਾਨਚੀ, 4 ਜੁਆਇੰਟ ਸਕੱਤਰ ਅਤੇ 10 ਜ਼ੋਨਲ ਕੋਆਰਡੀਨੇਟਰ ਥਾਪੇ ਗਏ ਹਨ ।
ਸ: ਹਰਜੋਤ ਸਿੰਘ ਬੈਂਸ ਨੇ ਕਿਹਾ ਹੈ ਕਿ ਪੰਜਾਬ ਦੇ ਨੌਜਵਾਨ ਪੰਜਾਬ ਦੇ ਲੋਕਾਂ ਲਈ ਅੰਦੋਲਨ ਆਰੰਭ ਕਰਨਗੇ ਤੇ ਯੂਥ ਵਿੰਗ ਉਨ੍ਹਾਂ ਦੀ ਅਗਵਾਈ ਕਰੇਗਾ । ਉਨ੍ਹਾਂ ਦੱਸਿਆ ਕਿ ਆਉਣ ਵਾਲੇ ਦਿਨਾਂ ‘ਚ ਜ਼ੋਨ ਪੱਧਰੀ ਰੈਲੀਆਂ ਕੀਤੀਆਂ ਜਾਣਗੀਆਂ ਤੇ ਇਨ੍ਹਾਂ ਮੀਟਿੰਗਾਂ ਵਿਚ ਜ਼ੋਨ ਪੱਧਰੀ ਜਥੇਬੰਦਕ ਢਾਂਚੇ ਦਾ ਐਲਾਨ ਕੀਤਾ ਜਾਵੇਗਾ ।
ਸੂਬਾ ਸਕੱਤਰ ਸ: ਸੁਖਦੀਪ ਸਿੰਘ ਅੱਪਰਾ, ਮੀਤ ਪ੍ਰਧਾਨ ਰਣਦੀਪ ਸਿੰਘ ਬਲ, ਦਿਲਬਾਗ ਸਿੰਘ ਬਾਘਾ, ਅਮਨਿੰਦਰ ਸਿੰਘ ਸੰਘਾ, ਸੰਦੀਪ ਸਿੰਘ ਧਾਲੀਵਾਲ ਅਤੇ ਰਣਦੀਪ ਸਿੰਘ ਬੈਦਵਾਨ ਨੂੰ ਬਣਾਇਆ ਗਿਆ ਹੈ । ਰਣਜੀਤ ਸਿੰਘ ਬੱਲ ਅੰਮਿ੍ਤਸਰ ਤੇ ਗੁਰਦਾਸਪੁਰ, ਦਿਲਬਾਗ ਸਿੰਘ ਬਾਘਾ ਲੁਧਿਆਣਾ ਤੇ ਫਤਹਿਗੜ੍ਹ ਸਾਹਿਬ, ਅਬਜਿੰਦਰ ਸਿੰਘ ਸੰਘਾ ਪਟਿਆਲਾ ਤੇ ਸੰਗਰੂਰ, ਸੰਦੀਪ ਸਿੰਘ ਧਾਲੀਵਾਲ ਫਰੀਦਕੋਟ ਤੇ ਬਠਿੰਡਾ ਅਤੇ ਰਣਦੀਪ ਸਿੰਘ ਬੈਦਵਾਨ ਅਨੰਦਪੁਰ ਸਾਹਿਬ ਤੇ ਹੁਸ਼ਿਆਰਪੁਰ ਜ਼ਿਲਿ੍ਹਆਂ ਦਾ ਕੰਮ ਦੇਖਣਗੇ ।
ਹਰਜੋਤ ਸਿੰਘ ਬੈਂਸ ਦੇ ਨਾਲ ਸੁਖਦੀਪ ਸਿੰਘ ਅੱਪਰਾ, ਅਬਜਿੰਦਰ ਸਿੰਘ ਸੰਘਾ ਯੂਥ ਵਿੰਗ ਦੇ ਬੁਲਾਰੇ ਹੋਣਗੇ । ਬੀਬੀ ਹਰਪ੍ਰੀਤ ਕੌਰ ਲੱਲੀਆਂ, ਸਿਮਰਨਜੀਤ ਕੌਰ, ਪਰਮਵੀਰ ਸਿੰਘ ਐਡਵੋਕੇਟ ਅਤੇ ਸੰਦੀਪ ਮਿਸ਼ਰਾ ਜੁਆਇੰਟ ਸਕੱਤਰ ਬਣਾਏ ਗਏ ਹਨ । 10 ਜ਼ਿਲਿ੍ਹਆਂ ਦੇ ਥਾਪੇ ਕੋਆਰਡੀਨੇਟਰਾਂ ਵਿਚ ਅੰਮਿ੍ਤਸਰ ਲਈ ਸੁਖਪਾਲ ਬੱਲ, ਗੁਰਦਾਸਪੁਰ ਸ਼ੈਰੀ ਕਲਸੀ, ਹੁਸ਼ਿਆਰਪੁਰ ਜਸਪਾਲ ਕੁਮਾਰ, ਖਡੂਰ ਸਾਹਿਬ ਸੇਵਕ ਪਾਲ ਸਿੰਘ, ਅਨੰਦਪੁਰ ਸਾਹਿਬ ਜੈ ਸਿੰਘ, ਲੁਧਿਆਣਾ ਅਮਨ ਮੋਹੀ, ਸੰਗਰੂਰ ਰਣਬੀਰ ਸਿੰਘ ਢੀਂਡਸਾ, ਪਟਿਆਲਾ ਗੁਰਦੀਪ ਸਿੰਘ, ਬਠਿੰਡਾ ਸ਼ਿੰਦਰਪਾਲ ਸਿੰਘ ਐਡਵੋਕੇਟ ਅਤੇ ਫਿਰੋਜ਼ਪੁਰ ਲਈ ਸਮਰਬੀਰ ਸਿੰਘ ਸਿੱਧੂ ਬਣਾਏ ਗਏ ਹਨ ।