ਦੇਹਰਾਦੂਨ: ਉਤਰਾਖੰਡ ਪੁਲਿਸ ਦੇ ਮੁਤਾਬਕ ਕਣਕ ਪਿਹਾਉਣ ਆਏ ਇਕ ਦਲਿਤ ਨੂੰ ‘ਚੱਕੀ ਅਸ਼ੁੱਧ’ ਕਰਨ ਦੇ ਨਾਂ ‘ਤੇ ਕਤਲ ਕਰ ਦਿੱਤਾ ਗਿਆ।
ਘਟਨਾ ਬਾਗੇਸ਼ਵਰ ਜ਼ਿਲ੍ਹੇ ਦੀ ਹੈ ਜਿਥੇ ਵੀਰਵਾਰ ਨੂੰ ਸਕੂਲ ਦੇ ਇਕ ਅਧਿਕਆਪਕ ਨੇ ਦਲਿਤ ਵਲੋਂ ਆਟਾ ਛੂਹਣ ਕਰਕੇ ਉਸਦਾ ਕਤਲ ਕਰ ਦਿੱਤਾ। ਬਾਗੇਸ਼ਵਰ ਦੇ ਪੁਲਿਸ ਕਪਤਾਨ ਸੁਖਵੀਰ ਸਿੰਘ ਨੇ ਦੱਸਿਆ, “ਸੋਹਣ ਰਾਮ ਦਾ ਦਲਿਤ ਹੋਣ ਕਰਕੇ ਕਤਲ ਹੋਇਆ। ਅਸੀਂ ਕਤਲ ਦੇ ਨਾਲ ਦਲਿਤ ਐਕਟ ਦੀਆਂ ਧਾਰਾਵਾਂ ਦੇ ਤਹਿਵ ਵੀ ਮੁਕੱਦਮਾ ਦਰਜ ਕੀਤਾ ਹੈ।”
ਪੁਲਿਸ ਅਧਿਕਾਰੀ ਨੇ ਦੱਸਿਆ, “ਅਸੀਂ ਕਤਲ ‘ਚ ਇਸਤੇਮਾਲ ਹੋਇਆ ਹਥਿਆਰ ਵੀ ਬਰਾਮਦ ਕਰ ਲਿਆ ਹੈ ਅਤੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰਕੇ ਜੇਲ੍ਹ ਭੇਜ ਦਿੱਤਾ ਹੈ।”
ਸੁਖਵੀਰ ਸਿੰਘ ਨੇ ਦੱਸਿਆ, “ਮ੍ਰਿਤਕ ਆਪਣੇ ਪਰਿਵਾਰ ‘ਚ ਇਕੱਲਾ ਕਮਾਉਣ ਵਾਲਾ ਸੀ, ਉਸਦਾ ਪਿਤਾ ਅਪਾਹਜ ਹੈ ਅਤੇ ਉਸਦੀ ਪਤਨੀ ਦੇ ਬੱਚਾ ਹੋਣ ਵਾਲਾ। ਜਦਕਿ ਘਰ ‘ਚ ਛੋਟੇ ਬੱਚੇ ਵੀ ਹਨ।”
ਮਿਲੀ ਜਾਣਕਾਰੀ ਮੁਤਾਬਕ ਜਾਂਚ ‘ਚ ਪਤਾ ਚੱਲਿਆ ਹੈ ਕਿ ਮ੍ਰਿਤਕ ਲਈ ਜਾਤਵਾਦੀ ਸ਼ਬਦਾਂ ਦਾ ਇਸਤੇਮਾਲ ਵੀ ਕੀਤਾ ਗਿਆ ਸੀ। ਘਟਨਾ ਤੋਂ ਬਾਅਦ ਦਲਿਤਾਂ ਨੇ ਰੋਸ ਪ੍ਰਦਰਸ਼ਨ ਕੀਤਾ।