December 29, 2015 | By ਸਿੱਖ ਸਿਆਸਤ ਬਿਊਰੋ
ਹਾਵੜਾ: ਬੀਤੇ ਕੱਲ੍ਹ ਭਾਰਤੀ ਫੌਜ ਦੇ ਤਿੰਨ ਸਿਪਾਹੀਆਂ ਵੱਲੋਂ ਇੱਕ ਬੇਹਦ ਸ਼ਰਮਨਾਕ ਕਾਰਾ ਕਰਦਿਆਂ ਕੋਲਕਾਤਾ ਦੀ ਇੱਕ 14 ਸਾਲਾ ਕੁੜੀ ਨਾਲ ਬਲਾਤਕਾਰ ਕੀਤਾ ਗਿਆ।ਫੌਜੀਆਂ ਨੇਂ ਹਾਵੜਾ ਅੰਮ੍ਰਿਤਸਰ ਐਕਸਪ੍ਰੈਸ ਨਾਂ ਦੀ ਰੇਲ ਗੱਡੀ ਵਿੱਚ ਇਸ ਕਾਰੇ ਨੂੰ ਅੰਜਾਮ ਦਿੱਤਾ ਗਿਆ।ਪੁਲਿਸ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਫੌਜੀਆਂ ਵੱਲੋਂ ਪਹਿਲਾਂ ਕੁੜੀ ਨੂੰ ਜਬਰਦਸਤੀ ਸ਼ਰਾਬ ਪਿਲਾਈ ਗਈ ਤੇ ਬਾਅਦ ਵਿੱਚ ਉਸ ਨਾਲ ਜਬਰ ਜਿਨਾਹ ਕੀਤਾ ਗਿਆ।
ਅਖਬਾਰ “ਹਿੰਦੁਸਤਾਨ ਟਾਈਮਜ਼” ਵਿੱਚ ਛਪੀ ਖਬਰ ਅਨੁਸਾਰ 14 ਸਾਲਾ ਇਹ ਕੁੜੀ ਹਾਵੜਾ ਤੋਂ ਰੇਲ ਗੱਡੀ ਵਿੱਚ ਚੜੀ ਪਰ ਉਹ ਗਲਤੀ ਨਾਲ ਉਸ ਡੱਬੇ ਅੰਦਰ ਚਲੀ ਗਈ ਜੋ ਕਿ ਫੌਜੀਆਂ ਲਈ ਰਿਜ਼ਰਵ ਸੀ।
ਇਸ ਤੋਂ ਬਾਅਦ ਉੱਥੇ ਮੋਜੂਦ ਇੱਕ ਫੌਜੀ ਵੱਲੋਂ ਪਹਿਲਾਂ ਉਸ ਨੂੰ ਜਬਰਦਸਤੀ ਸ਼ਰਾਬ ਪਿਲਾਈ ਗਈ ਤੇ ਬਾਅਦ ਵਿੱਚ ਜਦੋਂ ਉਹ ਪਖਾਨੇ ਗਈ ਤਾਂ ਉੱਥੇ ਹੋਰ ਦੋ ਫੌਜੀਆਂ ਵੱਲੋਂ ਉਸ ਨਾਲ ਬਲਾਤਕਾਰ ਕੀਤਾ ਗਿਆ।
ਜਦੋਂ ਰੇਲਗੱਡੀ ਝਾਰਖੰਡ ਦੇ ਮਾਧੂਪੁਰ ਸਟੇਸ਼ਨ ਤੇ ਪਹੁੰਚੀ ਤਾਂ ਸਮਾਜਿਕ ਸੰਗਠਨ ਦੇ ਕਾਰਜਕਰਤਾਵਾਂ ਵੱਲੋਂ ਕੁੜੀ ਨੂੰ ਬੇਹੋਸ਼ੀ ਦੀ ਹਾਲਤ ਵਿੱਚ ਪਾਇਆ ਗਿਆ।
ਮਾਧੂਪੁਰ ਰੇਲਵੇ ਪੁਲਿਸ ਚੌਂਕੀ ਦੇ ਇੰਚਾਰਜ ਅਰਜੁਨ ਤਿਵਾਰੀ ਨੇਂ ਪੱਤਰਕਾਰਾਂ ਨੂੰ ਦੱਸਿਆ ਕਿ ਤਿੰਨ ਦੋਸ਼ੀਆਂ ਵਿੱਚੋਂ ਇੱਕ ਦੋਸ਼ੀ ਮਨਦਰੀਸ਼ ਤਿਰਪਾਠੀ ਜਿਸ ਨੇਂ ਕੁੜੀ ਨੂੰ ਸ਼ਰਾਬ ਪਿਲਾਈ ਸੀ, ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਤੇ ਉਸ ਵੱਲੋਂ ਆਪਣਾ ਦੋਸ਼ ਕਬੂਲ ਕਰ ਲਿਆ ਗਿਆ ਹੈ।
Related Topics: Amritsar Howrah Express, Indian Army