ਚੰਡੀਗੜ੍ਹ: ਸਿੱਖ ਸਿਆਸਤ ਦੇ ਪਾਠਕਾਂ ਦੀ ਜਾਣਕਾਰੀ ਹਿਤ ਅੱਜ 15 ਦਸੰਬਰ 2019 ਦੀਆਂ ਅਹਿਮ ਖਬਰਾਂ ਦੇ ਚੋਣਵੇਂ ਨੁਕਤੇ ਸਾਂਝੇ ਕਰ ਰਹੇ ਹਾਂ:-
ਨਾਗਰਿਕਤਾ ਸੋਧ ਕਾਨੂੰਨ ਦਾ ਵਿਰੋਧ ਜਾਰੀ
● ਨਾਗਰਿਕਤਾ ਸੋਧ ਕਾਨੂੰਨ ਖਿਲਾਫ਼ ਭਾਰਤੀ ਉਪਮਹਾਂਦੀਪ ਉੱਤਰ-ਪੂਰਬੀ ਖਿੱਤਿਆਂ ਤੋਂ ਬਾਅਦ ਹੁਣ ਪੱਛਮੀ ਬੰਗਾਲ ਵਿੱਚ ਵੀ ਜਬਰਦਸਤ ਵਿਰੋਧ ਸ਼ੁਰੂ ਹੋਇਆ
● ਇਹਨਾਂ ਵਿਰੋਧ ਪ੍ਰਦਰਸ਼ਨਾਂ ਨੂੰ ਵੇਖਦੇ ਹੋਏ ਅਮਰੀਕਾ, ਫ਼ਰਾਂਸ, ਬਰਤਾਨੀਆ, ਇਜਰਾਇਲ, ਸਿੰਗਾਪੁਰ ਅਤੇ ਕਨੇਡਾ ਸਮੇਤ ਕਈ ਦੇਸ਼ਾਂ ਨੇ ਆਪਣੇ ਨਾਗਰਿਕਾਂ ਨੂੰ ਭਾਰਤੀ ਉਪਮਹਾਂਦੀਪ ਵਿਖੇ ਨਾ ਜਾਣ ਦੀ ਸਲਾਹ ਦਿੱਤੀ
● ਨਾਗਰਿਕਤਾ ਸੋਧ ਕਾਨੂੰਨ ਖਿਲਾਫ਼ ਮੁਸਲਿਮ ਆਗੂ ਅਸਦੁਦੀਨ ਔਵੈਸੀ ਨੇ ਭਾਰਤੀ ਸੁਪਰੀਮ ਕੋਰਟ ਵਿੱਚ ਅਰਜੀ ਦਾਖਲ ਕੀਤੀ
ਭਾਰਤ ਦੀ ਮੰਦੀ ਮਾਲੀ ਹਾਲਤ:
● ਮੋਦੀ ਸਰਕਾਰ ਦੇ ਸਾਬਕਾ ਮੁੱਖ ਆਰਥਿਕ ਸਲਾਹਕਾਰ ਰਹੇ ਅਰਵਿੰਦ ਸੁਬਰਮਨੀਅਮ ਨੇ ਹਾਵਰਡ ਯੂਨੀਵਰਸਿਟੀ ਦੇ ਅੰਤਰਰਾਸ਼ਟਰੀ ਤਰੱਕੀ ਕੇਂਦਰ (ਸੈਂਟਰ ਫਾਰ ਇੰਟਰਨੈਸ਼ਨਲ ਡਵੈਲਪਮੈਂਟ) ਦੇ ਇੱਕ ਡਰਾਫਟ ਵਰਕਿੰਗ ਪੇਪਰ ਵਿੱਚ ਕਿਹਾ ਕਿ:
– ਭਾਰਤ ਦੀ ਅਰਥ ਵਿਵਸਥਾ ਆਈ.ਸੀ.ਯੂ. ਵਿੱਚ ਦਾਖਲ ਹੋ ਰਹੀ ਹੈ
– ਇਹ ਕੋਈ ਆਮ ਮੰਦੀ ਨਹੀਂ ਸਗੋਂ ਇਹ ਇੱਕ “ਮਹਾਂ-ਮੰਦੀ” ਹੈ
– ਭਾਰਤ ਸਰਕਾਰ ਨੂੰ ਇਸ ਮੰਦੀ ਦੇ ਵੱਡੇ ਨਤੀਜੇ ਭੁਗਤਣੇ ਪੈਣਗੇ
ਖਬਰ ਜੰਮੂ-ਕਸ਼ਮੀਰ ਤੋਂ:
● ਜੰਮੂ-ਕਸ਼ਮੀਰ ਦੇ ਸਾਬਕਾ ਮੁੱਖ ਮੰਤਰੀ ਫ਼ਾਰੂਕ਼ ਅਬਦੁੱਲਾ ਦੀ ਹਿਰਾਸਤ ਤਿੰਨ ਮਹੀਨੇ ਹੋਰ ਵਧਾਈ
● ਪ੍ਰਸ਼ਾਸਨ ਅਨੁਸਾਰ ਉਹ ਆਪਣੇ ਘਰ ਵਿੱਚ ਹੀ ਨਜ਼ਰਬੰਦ ਰਹਿਣਗੇ ਜਿਸਨੂੰ ਕਿ ਸਬ-ਜੇਲ੍ਹ ਐਲਾਨਿਆ ਗਿਆ ਹੈ
ਖਬਰਾਂ ਦਿੱਲੀ ਤੋਂ:
● ਮਸ਼ਹੂਰ ਪੇਸ਼ਾਵਰ ਰਾਜਨੀਤਕ ਚੋਣ ਪਰਚਾਰਕ ਅਤੇ ਰਣਨੀਤੀਕਾਰ ਪ੍ਰਸ਼ਾਤ ਕਿਸ਼ੋਰ ਨੇ ਮਿਲਾਇਆ ਅਰਵਿੰਦ ਕੇਜਰੀਵਾਲ ਨਾਲ ਹੱਥ
● ਦਿੱਲੀ ਵਿਧਾਨ ਸਭਾ ਚੋਣਾਂ ਦੌਰਾਨ ਦੇਣਗੇ ਆਮ ਆਦਮੀ ਪਾਰਟੀ ਦਾ ਸਾਥ
● ਪ੍ਰਸ਼ਾਤ ਕਿਸ਼ੋਰ ਜਨਤਾ ਦਲ ਯੂਨਾਈਟਿਡ ਪਾਰਟੀ (ਬਿਹਾਰ) ਦਾ ਉਪ-ਪ੍ਰਧਾਨ ਵੀ ਹੈ
ਪੰਜਾਬ ਦੀ ਸਿਆਸਤ:
● ਸੁਖਬੀਰ ਸਿੰਘ ਬਾਦਲ ਮੁੜ ਤੀਜੀ ਵਾਰ ਬਣਿਆ ਬਾਦਲ ਅਕਾਲੀ ਦਲ ਦਾ ਪ੍ਰਧਾਨ
● ਬਾਦਲ ਅਕਾਲੀ ਦਲ ਦੇ ਸਰਪ੍ਰਸਤ ਪ੍ਰਕਾਸ਼ ਸਿੰਘ ਬਾਦਲ ਇਜਲਾਸ ਵਿਚੋਂ ਗੈਰ-ਹਾਜਰ ਰਹੇ
● ਸਿਮਰਨਜੀਤ ਸਿੰਘ ਮਾਨ ਵੀ ਦੁਬਾਰਾ ਪੰਜ ਸਾਲ ਲਈ ਅਕਾਲੀ ਦਲ ਅੰਮ੍ਰਿਤਸਰ ਦੇ ਪ੍ਰਧਾਨ ਬਣੇ
ਕੁਝ ਹੋਰ ਖ਼ਬਰਾਂ:
● ਖ਼ਬਰ ਹੈ ਕਿ ਸੈਂਟਰਲ ਜੇਲ੍ਹ ਬਕਸਰ (ਬਿਹਾਰ) ਦੇ ਪ੍ਰਸ਼ਾਸਨ ਨੂੰ ਇੱਕ ਵਾਰ ਫਿਰ ਦਸ (10) ਫਾਂਸੀ ਦੇ ਫੰਦੇ ਬਣਾਉਣ ਦੀਆਂ ਹਦਾਇਤਾਂ ਮਿਲੀਆਂ ਹਨ
– ਫਾਂਸੀ ਦੀ ਸਜਾ ਦੇਣ ਲਈ ਜੋ ਫੰਦਾ ਵਰਤਿਆ ਜਾਂਦਾ ਹੈ ਉਹ ਸਿਰਫ਼ ਸੈਂਟਰਲ ਜੇਲ੍ਹ ਬਕਸਰ ਵਿੱਚ ਹੀ ਬਣਦਾ ਹੈ
● ‘ਰਾਹੁਲ ਸਾਵਰਕਰ’ ਵਾਲੇ ਬਿਆਨ ਉਪਰ ਫਿਰ ਵਿਵਾਦਾਂ ਵਿੱਚ ਫਸੇ ਰਾਹੁਲ ਗਾਂਧੀ
– ਮਹਾਂਰਾਸ਼ਟਰ ਸਰਕਾਰ ਵਿੱਚ ਕਾਂਗਰਸ ਦੀ ਭਾਈਵਾਲ ਪਾਰਟੀ ਸ਼ਿਵਸੈਨਾ ਨੇ ਸਖ਼ਤ ਇਤਰਾਜ਼ ਜਤਾਇਆ
– ਸ਼ਿਵਸੈਨਾ ਨੇ ਕਿਹਾ ਕਿ ਅਸੀਂ ਨਹਿਰੂ ਅਤੇ ਗਾਂਧੀ ਨੂੰ ਮੰਨਦੇ ਹਾਂ, ਤੁਸੀਂ ਵੀ ਸਾਵਰਕਰ ਨੂੰ ਮੰਨੋਂ