ਚੰਡੀਗੜ੍ਹ: ਸਿੱਖ ਫੈਡਰੇਸ਼ਨ ਕਨੇਡਾ ਵੱਲੋਂ ਕਨੇਡਾ ਦੀਆਂ ਫੈਡਰਲ ਚੋਣਾਂ ਦੌਰਾਨ ਇੰਡੀਆ ਦੀ ਵਿਦੇਸ਼ੀ ਦਖਲਅੰਦਾਜ਼ੀ ਅਤੇ ਸਿੱਖਾਂ ਉੱਤੇ ਜ਼ਬਰ ਦੀ ਕੌਮਾਂਤਰੀ ਨੀਤੀ (ਟਰਾਂਸਨੈਸ਼ਨਲ ਰਿਪਰੈਸ਼ਨ) ਸਮੇਤ ਕਨੇਡਾ ਰਹਿੰਦੇ ਸਿੱਖਾਂ ਨਾਲ ਜੁੜੇ ਅਹਿਮ ਮਸਲੇ ਅਸਰਦਾਰ ਤਰੀਕੇ ਨਾਲ ਚੁੱਕੇ ਗਏ ਹਨ।
ਸਿੱਖ ਫੈਡਰੇਸ਼ਨ ਕਨੇਡਾ
ਸਿੱਖ ਫੈਡਰੇਸ਼ਨ ਕਨੇਡਾ ਵੱਲੋਂ ਫੈਡਰਲ ਚੋਣਾਂ ਵਿਚ ਤਿੰਨਾਂ ਪਾਰਟੀਆਂ ਦੇ ਆਗੂਆਂ ਤੇ ਉਮੀਦਵਾਰਾਂ ਕੋਲੋਂ ਸਿੱਖ ਮਸਲਿਆਂ ਬਾਰੇ ਉਹਨਾ ਦੀ ਪਾਰਟੀ ਦੀ ਨੀਤੀ ਬਾਰੇ ਸਵਾਲ ਪੁੱਛੇ ਗਏ ਸਨ ਜਿਹਨਾ ਦੇ ਮਿਲੇ ਜਵਾਬਾਂ ਦੀ ਪੜਚੋਲ ਜਾਰੀ ਕਰਦਿਆਂ ਫੈਡਰੇਸ਼ਨ ਨੇ ਇਸ ਮੁਹਿੰਮ ਦੀ ਕਾਮਯਾਬੀ ਉੱਤੇ ਸੰਤੁਸ਼ਟੀ ਜਤਾਈ ਹੈ।
ਸਿੱਖ ਫੈਡਰੇਸ਼ਨ ਕਨੇਡਾ ਨੇ ਕਿਹਾ ਹੈ ਕਿ ਜਥੇਬੰਦੀ ਵੱਲੋਂ ਭਵਿੱਖ ਵਿਚ ਵੀ ਸਿੱਖਾਂ ਦੇ ਅਹਿਮ ਮਸਲਿਆਂ ਉੱਤੇ ਠੋਸ ਸਰਗਰਮੀ ਜਾਰੀ ਰੱਖੀ ਜਾਵੇਗੀ।