February 1, 2020 | By ਸਿੱਖ ਸਿਆਸਤ ਬਿਊਰੋ
ਚੰਡੀਗੜ੍ਹ : ਅਮਰੀਕਾ ਰਹਿੰਦੇ ਸਿੱਖਾਂ ਨੇ ਐਮੀ ਬੇਰਾ ਵੱਲੋਂ 1984 ਦੀ ਸਿੱਖ ਨਸਲਕੁਸ਼ੀ ਤੋਂ ਮੁਨਕਰ ਹੋਣ ਉੱਤੇ ਸਵਾਲ ਚੁੱਕੇ ਹਨ। ਐਮੀ ਬੇਰਾ 1984 ਦੀ ਸਿੱਖ ਨਸਲਕੁਸ਼ੀ ਵਿਚ ਦਿੱਲੀ ਸਲਤਨਤ (ਭਾਰਤੀ ਸਟੇਟ) ਦੀ ਸ਼ਮੂਲੀਅਤ ਤੇ ਜ਼ਿੰਮੇਵਾਰੀ ਦੇ ਤੱਥਾਂ ਨੂੰ ਮੰਨਣ ਤੋਂ ਮੁਨਕਰ ਹੈ।
ਐਮੀ ਬੇਰਾ ਅਮਰੀਕੀ ਸਿਆਸਤਦਾਨ ਹੈ ਅਤੇ ਉੱਤਰੀ ਕੈਫੋਰਨੀਆਂ ਤੋਂ ਅਮਰੀਕੀ ਕਾਂਗਰਸ (ਸੰਸਦ) ਦੀ ਚੋਣਾਂ ਦਾ ਉਮੀਦਵਾਰ ਬਣਨ ਦਾ ਇੱਛੁਕ ਹੈ। ਲੰਘੀ 28 ਜਨਵਰੀ ਨੂੰ ਮੁਕਾਮੀ ਸਿੱਖਾਂ ਨੇ ਐਮੀ ਬੇਰਾ ਵੱਲੋਂ ਕਰਵਾਏ ਇਕ ਸਮਾਗਮ ਮੌਕੇ ਵਿਰੋਧ ਵਿਖਾਵਾ ਕੀਤਾ ਸੀ।
ਵਿਖਾਵਾਕਾਰੀਆਂ ਨੇ ਐਮੀ ਬੇਰਾ ਵੱਲੋਂ 1984 ਦੀ ਨਸਲਕੁਸ਼ੀ ਤੋਂ ਮੁਨਕਰ ਹੋਣ ਬਾਰੇ ਜਾਣਕਾਰੀ ਦਿੰਦੀਆਂ ਤਖਤੀਆਂ ਫੜੀਆਂ ਹੋਈਆਂ ਸਨ ਅਤੇ ਨਾਲ ਹੀ ਤਖਤੀਆਂ ਉੱਤੇ ਬਤੌਰ ਉਮੀਦਵਾਰ ਐਮੀ ਬੇਰਾ ਨੂੰ ਰੱਦ ਕਰਨ ਦਾ ਸੱਦਾ ਦਿੰਦੇ ਨਾਅਰੇ ਵੀ ਲਿਖੇ ਹੋਏ ਸਨ।
Related Topics: 1984 Sikh Genocide, American Sikhs, Ammy Bera, Indian National Congress, Protest