ਸਿੱਖ ਖਬਰਾਂ

ਦਿੱਲੀ ਗੁਰਦੁਆਰਾ ਚੋਣਾਂ: ਵੋਟਾਂ ਦੀ ਗਿਣਤੀ ਅੱਜ, ਸ਼ਾਮ 4 ਵਜੇ ਤਕ ਨਤੀਜੇ ਆ ਜਾਣਗੇ

March 1, 2017 | By

ਨਵੀਂ ਦਿੱਲੀ: ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਨਵੇਂ ਹਾਊਸ ਲਈ 26 ਫਰਵਰੀ ਨੂੰ ਪਈਆਂ ਵੋਟਾਂ ਦੀ ਗਿਣਤੀ ਅੱਜ (1 ਮਾਰਚ) ਸਵੇਰੇ 8 ਵਜੇ ਸ਼ੁਰੂ ਹੋ ਗਈ ਤੇ ਸ਼ਾਮ 4 ਵਜੇ ਤੱਕ ਨਤੀਜੇ ਆ ਜਾਣਗੇ। ਦਿੱਲੀ ਸਰਕਾਰ ਦੇ ਗੁਰਦੁਆਰਾ ਚੋਣ ਡਾਇਰੈਕਟੋਰੇਟ ਦੇ ਅਧਿਕਾਰੀ ਨੇ ਦੱਸਿਆ ਕਿ ਪੰਜ ਥਾਵਾਂ ਉਪਰ ਕੁੱਲ 560 ਬਕਸੇ ਸੁਰੱਖਿਆ ਹੇਠ ਰੱਖੇ ਗਏ ਸਨ। ਉਨ੍ਹਾਂ ਦੱਸਿਆ ਕਿ 25 ਆਬਜ਼ਰਵਰ ਲਾਏ ਗਏ ਹਨ ਤੇ ਹਰੇਕ ਵਾਰਡ ਲਈ ਤਿੰਨ-ਤਿੰਨ ਅਧਿਕਾਰੀਆਂ ਦੀਆਂ ਦੋ-ਦੋ ਟੀਮਾਂ ਗਿਣਤੀ ਲਈ ਲਾਈਆਂ ਗਈਆਂ ਹਨ।

ਪ੍ਰਤੀਕਾਤਮਕ ਤਸਵੀਰ

ਪ੍ਰਤੀਕਾਤਮਕ ਤਸਵੀਰ

ਇਸ ਤਰ੍ਹਾਂ ਕੁੱਲ 276 ਅਧਿਕਾਰੀ ਪਈਆਂ ਸਾਰੀਆਂ 1,75,543 ਵੋਟਾਂ ਦੀ ਗਿਣਤੀ ਕਰਨਗੇ। ਵੋਟਾਂ ਦੀ ਗਿਣਤੀ ਪੰਜ ਕੇਂਦਰਾਂ ਆਈਟੀਆਈ ਤਿਲਕ ਨਗਰ (ਜੇਲ੍ਹ ਰੋਡ), ਆਈਟੀਆਈ (ਔਰਤ) ਵਿਵੇਕ ਵਿਹਾਰ (ਸ਼ਾਹਦਰਾ), ਆਈਟੀਆਈ ਖਿਚੜੀਪੁਰ (ਦਿੱਲੀ), ਆਰੀਆਭੱਟ ਪੋਲੀਟੈਕਨੀਕ ਜੀਟੀ ਕਰਨਾਲ ਰੋਡ, ਤੇ ਪੂਸਾ ਦੇ ਬੇਸਿਕ ਟ੍ਰੇਨਿੰਗ ਇੰਸਟੀਚਿਊਟ ਵਿੱਚ ਹੋਵੇਗੀ। ਅਧਿਕਾਰੀ ਨੇ ਦੱਸਿਆ ਕਿ ਗਿਣਤੀ ਕੇਂਦਰਾਂ ਵਿੱਚ ਸਿਰਫ਼ ਉਮੀਦਵਾਰ, ਉਨ੍ਹਾਂ ਦੇ ਕਾਊਂਟਿੰਗ ਏਜੰਟ ਜਿਨ੍ਹਾਂ ਨੂੰ ਚੋਣ ਵਿਭਾਗ ਵੱਲੋਂ ਪਾਸ ਜਾਰੀ ਕੀਤੇ ਹੋਣਗੇ ਤੇ ਪੱਤਰਕਾਰ (ਚੋਣ ਬੋਰਡ ਦੇ ਪਾਸ ਪ੍ਰਾਪਤ) ਹੀ ਜਾ ਸਕਣਗੇ ਤੇ ਹੋਰ ਕਿਸੇ ਨੂੰ ਅੰਦਰ ਜਾਣ ਦੀ ਆਗਿਆ ਨਹੀਂ ਹੋਵੇਗੀ। ਅਧਿਕਾਰੀ ਨੇ ਉਮੀਦ ਕੀਤੀ ਕਿ 10 ਤੋਂ ਲੈ ਕੇ 15 ਰਾਊਂਡ ਤੱਕ ਗਿਣਤੀ ਹੋ ਸਕਦੀ ਹੈ।

ਸਬੰਧਤ ਖ਼ਬਰ:

ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਲਈ ਹੋਈਆਂ ਚੋਣਾਂ ‘ਚ 55 ਫੀਸਦ ਵੋਟਰਾਂ ਨੇ ਵੋਟ ਨਹੀਂ ਪਾਈ …

ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ:


ਵਟਸਐਪ ਰਾਹੀਂ ਤਾਜਾ ਖਬਰਾਂ ਹਾਸਲ ਕਰਨ ਦਾ ਤਰੀਕਾ:
(1) ਸਿੱਖ ਸਿਆਸਤ ਦਾ ਵਟਸਐਪ ਅੰਕ 0091-85560-67689 ਆਪਣੀ ਜੇਬੀ (ਫੋਨ) ਵਿੱਚ ਭਰ ਲਓ; ਅਤੇ
(2) ਸਾਨੂੰ ਆਪਣਾ ਨਾਂ ਵਟਸਐਪ ਰਾਹੀਂ ਭੇਜ ਦਿਓ।

Related Topics: , ,