March 10, 2017 | By ਸਿੱਖ ਸਿਆਸਤ ਬਿਊਰੋ
ਜੈਪੁਰ: ਰਾਜਸਥਾਨ ਦੀ ਮੀਡੀਆ ਰਿਪੋਰਟਾਂ ਮੁਤਾਬਕ, ਅਗਲੇ ਅਕਾਦਮਿਕ ਵਰ੍ਹੇ ਤੋਂ ਸਕੂਲਾਂ ਦੇ ਇਤਿਹਾਸ ਦੇ ਸਿਲੇਬਸ ‘ਚ ਇਕ ਨਵਾਂ ਅਧਿਆਏ ਸ਼ੁਰੂ ਹੋਣ ਜਾ ਰਿਹਾ ਹੈ। ਇਸ ਨਵੇਂ ਅਧਿਆਏ ‘ਚ ਰਾਜਪੂਤ ਯੋਧੇ ਮਹਾਰਾਣਾ ਪ੍ਰਤਾਪ ਨੇ 450 ਸਾਲ ਪਹਿਲਾਂ ਮੁਗ਼ਲ ਬਾਦਸ਼ਾਹ ਅਕਬਰ ਨੂੰ ਹਰਾਇਆ ਸੀ।
ਮੀਡੀਆ ਨੇ ਆਪਣੀ ਰਿਪੋਰਟ ‘ਚ ਕਿਹਾ, ਜ਼ਿਆਦਾਤਰ ਸਿੱਖਿਆਵਿਦਾਂ ਨੇ ਇਸ ਵਿਚਾਰ ਦਾ ਸ਼ਰੇਆਮ ਮਜ਼ਾਕ ਉਡਾਇਆ ਹੈ, ਕਿਉਂਕਿ ਇਤਿਹਾਸਕ ਸਬੂਤਾਂ ਤੋਂ ਪਤਾ ਚਲਦਾ ਹੈ ਕਿ ਮੇਵਾੜ ਖੇਤਰ ਦੇ ਰਾਜੇ ਮਹਾਰਾਣਾ ਪ੍ਰਤਾਪ ਜੰਗ ਦੇ ਮੈਦਾਨ ਤੋਂ ਭੱਜ ਗਏ ਸੀ, ਹਾਲਾਂਕਿ ਬਾਅਦ ਦੇ ਸਾਲਾਂ ‘ਚ ਉਨ੍ਹਾਂ ਨੇ ਮੁਗ਼ਲਾਂ ਖਿਲਾਫ ਗੁਰੀਲਾ ਜੰਗ ਜਾਰੀ ਰੱਖੀ।

ਚਿੱਤਰ: ਮੁਗ਼ਲ ਬਾਦਸ਼ਾਹ ਅਕਬਰ, ਰਾਜਪੂਤ ਰਾਜਾ ਮਹਾਰਾਣਾ ਪ੍ਰਤਾਪ
ਭਾਰਤੀ ਕੌਂਸਲ ਇਤਿਹਾਸ ਖੋਜ (ICHR) ਦੇ ਸਾਬਕਾ ਮੈਂਬਰ ਪ੍ਰੋਫੈਸਰ ਡੀ.ਐਨ. ਝਾਅ ਨੇ ਕਿਹਾ ਕਿ ਇਤਿਹਾਸਕ ਤੱਥਾਂ ਨੂੰ ਤੋੜ-ਮਰੋੜ ਨੂੰ ਦੁਬਾਰਾ ਇਤਿਹਾਸ ਨਹੀਂ ਲਿਖਿਆ ਜਾ ਸਕਦਾ।
ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ ਦੇ ਇਤਿਹਾਸ ਵਿਭਾਗ ਦੇ ਇਰਫਾਨ ਹਬੀਬ ਨੇ ਹਿੰਦੁਸਤਾਨ ਟਾਈਮਸ ਨਾਲ ਗੱਲ ਕਰਦੇ ਹੋਏ ਇਸ ਮਸਲੇ ‘ਤੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ਉਨ੍ਹਾਂ ਕਿਹਾ, “ਆਰ.ਐਸ.ਐਸ. ਨਾਲ ਬਹਿਸ ਕਰਨੀ ਮੂਰਖਤਾ ਹੈ, ਉਹ ਜੋ ਚਾਹੁਣ ਪੜ੍ਹਾਉਣ।”
ਰਾਜਸਥਾਨ ਦੇ ਸਿੱਖਿਆ ਮੰਤਰੀ ਵਾਸੂਦੇਵ ਦੇਵਨਾਨੀ ਨੇ ਦਾਅਵਾ ਕੀਤਾ ਕਿ “ਜੇ ਅਕਬਰ ਜੰਗ ਜਿੱਤ ਗਿਆ ਸੀ ਤਾਂ ਛੇ ਵਾਰ ਕਿਉਂ ਮੈਦਾਨ-ਏ-ਜੰਗ ਵਿਚ ਆਇਆ? ਸਾਡੇ ਨਾਇਕਾਂ ਨੂੰ ਘੱਟ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ।”
ਇਸਤੋਂ ਅਲਾਵਾ ਉਦੈਪੁਰ ਦੀ ਮੋਹਨਲਾਲ ਸੁਖਦਾਈ ਯੂਨੀਵਰਸਿਟੀ ਦੇ ਸੇਵਾ ਮੁਕਤ ਪ੍ਰੋਫੈਸਰ ਕੇ.ਐਸ. ਗੁਪਤਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਕਿਤਾਬ ਨੇ ਉਸ ਵੇਲੇ ਦੇ ਰਾਜਸਥਾਨੀ ਸ੍ਰੋਤਾਂ ਅਤੇ ਉਸ ਵੇਲੇ ਦੇ ਫਾਰਸੀ ਰਿਕਾਰਡ ਦੀ ਜਾਂਚ ਕੀਤੀ ਹੈ ਅਤੇ ਹਾਲਾਤਾਂ ਦਾ ਅਧਿਐਨ ਕਰਨ ‘ਤੇ ਇਹ ਨਤੀਜਾ ਨਿਕਲਿਆ ਕਿ ਮਹਾਰਾਣਾ ਪ੍ਰਤਾਪ ਵਲੋਂ ਜੰਗ ਹਾਰਨ ਵਾਲੀ ਗੱਲ ਸਹੀ ਨਹੀਂ ਹੈ।
ਇਸ ਖ਼ਬਰ ਨੂੰ ਵਿਸਥਾਰ ਸਹਿਤ ਅੰਗ੍ਰੇਜ਼ੀ ਵਿਚ ਪੜ੍ਹਨ ਲਈ:
As Per RSS Approved History Syllabus In Rajisthan It Is Maharana Partap Who Defeated Akabar …
Related Topics: Distortion Of History, Indian Satae, Rajasthan, Rashtriya Swayamsewak Sangh (RSS), RSS