ਆਮ ਖਬਰਾਂ

ਭੀਮ ਆਰਮੀ ਦਾ ਮੁਖੀ ਚੰਦਰਸ਼ੇਖਰ ‘ਰਾਵਣ’ ਡਲਹੌਜੀ ਤੋਂ ਗ੍ਰਿਫਤਾਰ

June 8, 2017 | By ਸਿੱਖ ਸਿਆਸਤ ਬਿਊਰੋ

ਲਖਨਊ: ਭੀਮ ਆਰਮੀ ਦਾ ਮੁਖੀ ਚੰਦਰਸ਼ੇਖਰ ਆਜ਼ਾਦ ‘ਰਾਵਣ’ ਨੂੰ ਉੱਤਰ ਪ੍ਰਦੇਸ਼ ਦੀ ਪੁਲਿਸ ਨੇ ਡਲਹੌਜੀ ਤੋਂ ਗ੍ਰਿਫਤਾਰ ਕਰ ਲਿਆ ਹੈ। ਚੰਬਾ ਜਿਲ੍ਹੇ ਦੇ ਐਸ.ਪੀ. ਵਿਰੇਂਦਰ ਤੋਮਰ ਨੇ ਮੀਡੀਆ ਨਾਲ ਗੱਲ ਕਰਦੇ ਹੋਏ ਇਸ ਖ਼ਬਰ ਨੂੰ ਤਸਦੀਕ ਕੀਤਾ ਕਿ ਉੱਤਰ ਪ੍ਰਦੇਸ਼ ਦੀ ਪੁਲਿਸ ਟੀਮ ਨੇ ਚੰਦਰਸ਼ੇਖਰ ਨੂੰ ਗ੍ਰਿਫਤਾਰ ਕਰਕੇ ਨਾਲ ਲੈ ਗਈ।

5 ਮਈ ਨੂੰ ਸ਼ੱਬੀਰਪੁਰ ਪਿੰਡ ‘ਚ ਦਲਿਤਾਂ ਦੇ ਘਰ ਸਾੜਨ ਤੋਂ 4 ਦਿਨਾਂ ਬਾਅਦ ਸਹਾਰਨਪੁਰ ‘ਚ ਦਲਿਤਾਂ ਵਲੋਂ ਪ੍ਰਦਰਸ਼ਨ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਚੰਦਰਸ਼ੇਖਰ ‘ਤੇ ਯੂ.ਪੀ. ਪੁਲਿਸ ਨੇ ਹਿੰਸਾ ਭੜਕਾਉਣ ਦੀਆਂ ਧਾਰਾਵਾਂ ਹੇਠ ਮੁਕੱਦਮਾ ਦਰਜ ਕੀਤਾ ਸੀ।

ਦਲਿਤਾਂ ਵਲੋਂ ਕੀਤੇ ਗਏ ਰੋਸ ਪ੍ਰਦਰਸ਼ਨਾਂ ਤੋਂ ਬਾਅਦ ਯੂ.ਪੀ. ਪੁਲਿਸ ਨੇ ਭੀਮ ਆਰਮੀ ਅਤੇ ਨਕਸਲੀਆਂ ਵਿਚਕਾਰ ਸਬੰਧਾਂ ਦੀ ਜਾਂਚ ਕਰਾਉਣ ਦੀ ਗੱਲ ਕਹੀ ਗਈ ਸੀ।

ਰਾਜਪੂਤਾਂ ਵਲੋਂ ਚੰਦਰਸ਼ੇਖਰ ਦੇ ਨਕਸਲੀਆਂ ਨਾਲ ਸਬੰਧਾਂ ਨੂੰ ਲੈ ਕੇ ਜ਼ਿਲ੍ਹਾ ਪ੍ਰਸ਼ਾਸਨ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ।

ਪਰ ਚੰਦਰਸ਼ੇਖਰ ਦਾ ਦਾਅਵਾ ਹੈ, “ਅਸੀਂ ਆਪਣੀ ਬਿਰਾਦਰੀ ਲਈ ਸੰਘਰਸ਼ ਕਰ ਰਹੇ ਹਾਂ। ਆਪਣੇ ਲੋਕਾਂ ਦੇ ਹੱਕਾਂ ਲਈ ਗੱਲ ਕਰਨ ‘ਤੇ ਪ੍ਰਸ਼ਾਸਨ ਮੈਨੂੰ ਨਕਸਲੀ ਕਹਿੰਦਾ ਹੈ ਤਾਂ ਮੈਨੂੰ ਕੋਈ ਇਤਰਾਜ਼ ਨਹੀਂ।”

ਦੇਹਰਾਦੂਨ ਤੋਂ ਲਾਅ ਦੀ ਪੜ੍ਹਾਈ ਕਰਨ ਵਾਲਾ ਚੰਦਰਸ਼ੇਖਰ ਆਪਣੇ ਆਪ ਨੂੰ ‘ਰਾਵਣ’ ਕਹਾਉਣਾ ਪਸੰਦ ਕਰਦਾ ਹੈ। ਇਸ ਪਿੱਛੇ ਉਹ ਤਰਕ ਦਿੰਦਾ ਹੈ, “ਰਾਵਣ ਨੇ ਆਪਣੀ ਭੈਣ ਦੇ ਸਨਮਾਨ ਲਈ ਰਾਮ ਨਾਲ ਜੰਗ ਲੜੀ।”

ਚੰਦਰਸ਼ੇਖਰ ਕਹਿੰਦਾ ਹੈ, “ਭਾਵੇਂ ਕਿ ਰਾਵਣ ਨੂੰ ਨਕਾਰਾਤਮਕ ਰੂਪ ‘ਚ ਦੇਖਿਆ ਜਾਂਦਾ ਹੈ ਪਰ ਜਿਹੜਾ ਵਿਅਕਤੀ ਆਪਣੀ ਭੈਣ ਦੇ ਸਨਮਾਨ ਲਈ ਲੜ ਸਕਦਾ ਹੋਵੇ ਅਤੇ ਆਪਣਾ ਸਭ ਕੁਝ ਦਾਅ ‘ਤੇ ਲਾ ਸਕਦਾ ਹੋਵੇ ਉਹ ਗਲਤ ਕਿਵੇਂ ਹੋ ਸਕਦਾ ਹੈ।”

ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ:

Tweet

---

ਵਟਸਐਪ ਰਾਹੀਂ ਤਾਜਾ ਖਬਰਾਂ ਹਾਸਲ ਕਰਨ ਦਾ ਤਰੀਕਾ:
(1) ਸਿੱਖ ਸਿਆਸਤ ਦਾ ਵਟਸਐਪ ਅੰਕ 0091-85560-67689 ਆਪਣੀ ਜੇਬੀ (ਫੋਨ) ਵਿੱਚ ਭਰ ਲਓ; ਅਤੇ
(2) ਸਾਨੂੰ ਆਪਣਾ ਨਾਂ ਵਟਸਐਪ ਰਾਹੀਂ ਭੇਜ ਦਿਓ।

---

Related Topics: Chandarshekhar Azad Ravan, Dalits of India