ਆਮ ਖਬਰਾਂ » ਵਿਦੇਸ਼

ਆਸਟ੍ਰੇਲੀਆ ਦੇ ਬ੍ਰਿਸਬੇਨ ‘ਚ ਪੰਜਾਬੀ ਨੌਜਵਾਨ ‘ਤੇ ਬਸ ‘ਚ ਕੈਮੀਕਲ ਪਾ ਕੇ ਜਿਉਂਦਾ ਸਾੜਿਆ

October 28, 2016 | By ਸਿੱਖ ਸਿਆਸਤ ਬਿਊਰੋ

ਸਿਡਨੀ: ਆਸਟ੍ਰੇਲੀਆ ਦੇ ਸ਼ਹਿਰ ਬ੍ਰਿਸਬੇਨ ‘ਚ ਇਕ ਯਾਤਰੀ ਨੇ ਬੱਸ ਡਰਾਈਵਰ ‘ਤੇ ਜਲਣਸ਼ੀਲ ਪਦਾਰਥ ਪਾ ਕੇ ਉਸਨੂੰ ਜਿਉਂਦਾ ਸਾੜ ਦਿੱਤਾ। ਇਸ ਭਿਆਨਕ ਘਟਨਾ ਵੇਲੇ ਹੋਰ ਯਾਤਰੀ ਵੀ ਬੱਸ ‘ਚ ਸਵਾਰ ਸੀ।

ਸਥਾਨਕ ਮੀਡੀਆ ਮੁਤਾਬਕ, 29 ਸਾਲ ਦੇ ਮਨਮੀਤ ਅਲੀਸ਼ੇਰ ਪੰਜਾਬੀ ਭਾਈਚਾਰੇ ਦੇ ਜਾਣੇ-ਪਛਾਣੇ ਗਾਇਕ ਸੀ ਅਤੇ ਉਨ੍ਹਾਂ ਦੇ ਕਤਲ ਦਾ ਮਕਸਦ ਹਾਲੇ ਸਪੱਸ਼ਟ ਨਹੀਂ ਹੋ ਸਕਿਆ।

ਪੁਲਿਸ ਕਪਤਾਨ ਜਿਮ ਕਿਯੋਗ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਇਹ ਭਿਆਨਕ ਘਟਨਾ ਮੁਰੂਕਾ ਦੇ ਸ਼ਾਂਤ ਉਪਨਗਰ ‘ਚ ਵਾਪਰੀ ਅਤੇ ਇਸਦੇ ਪਿੱਛੇ ਦਾ ਕਾਰਣ ਹਾਲੇ ਸਪੱਸ਼ਟ ਨਹੀਂ।

ਇਸ ਡਰਾਈਵਰ ਬਾਰੇ ਹਾਲੇ ਇੰਨਾ ਪਤਾ ਚੱਲਿਆ ਹੈ ਕਿ ਇਹ ਆਪਣਾ ਕਾਰੋਬਾਰ ਚਲਾਉਂਦਾ ਸੀ ਅਤੇ ਭਾਈਚਾਰੇ ਦੀ ਮਦਦ ਕਰਦਾ ਸੀ। ਇਸ ਮਾਮਲੇ ‘ਚ 48 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।

ਹਾਦਸੇ ਵੇਲੇ ਬੱਸ ‘ਚ ਮੌਜੂਦ ਲੋਕਾਂ ਨੇ ਬੱਸ ਦੇ ਪਿਛਲੇ ਦਰਵਾਜ਼ੇ ਨੂੰ ਲੱਤ ਮਾਰ ਕੇ ਖੋਲਿਆ ਅਤੇ ਬਾਕੀ ਲੋਕਾਂ ਨੂੰ ਬਚਾਇਆ। ਪੁਲਿਸ ਕਪਤਾਨ ਜਿਮ ਮੁਤਾਬਕ, ਸ਼ੁਕਰ ਹੈ ਕਿ ਪੂਰੀ ਬੱਸ ਅੱਗ ਦੀ ਲਪਟਾਂ ਦਾ ਸ਼ਿਕਾਰ ਨਹੀਂ ਹੋ ਕਿ, ਜਿਸਦਾ ਕਿ ਖਤਰਾ ਸੀ।

ਇਸ ਬੱਸ ‘ਚ ਕਰੀਬ ਅੱਧਾ ਦਰਜਣ ਲੋਕ ਸਵਾਰ ਸੀ। ਜਿਨ੍ਹਾਂ ਵਿਚੋਂ ਕੁਝ ਨੂੰ ਧੂੰਏਂ ਕਾਰਣ ਸਾਹ ਲੈਣ ਦੀ ਪਰੇਸ਼ਾਨੀ ਕਰਕੇ ਹਸਪਤਾਲ ਭੇਜਿਆ ਗਿਆ।

ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ:

Tweet

---

ਵਟਸਐਪ ਰਾਹੀਂ ਤਾਜਾ ਖਬਰਾਂ ਹਾਸਲ ਕਰਨ ਦਾ ਤਰੀਕਾ:
(1) ਸਿੱਖ ਸਿਆਸਤ ਦਾ ਵਟਸਐਪ ਅੰਕ 0091-85560-67689 ਆਪਣੀ ਜੇਬੀ (ਫੋਨ) ਵਿੱਚ ਭਰ ਲਓ; ਅਤੇ
(2) ਸਾਨੂੰ ਆਪਣਾ ਨਾਂ ਵਟਸਐਪ ਰਾਹੀਂ ਭੇਜ ਦਿਓ।

---

Related Topics: Manmeet AliSher, Sikhs in Australia