November 6, 2017 | By ਸਿੱਖ ਸਿਆਸਤ ਬਿਊਰੋ
ਅੰਮ੍ਰਿਤਸਰ: ਸ਼੍ਰੋਮਣੀ ਕਮੇਟੀ ਕਾਰਜਕਾਰਣੀ ਨੇ ਅੱਜ (6 ਨਵੰਬਰ, 2017) ਨਵੇਂ ਅਹੁਦੇਦਾਰਾਂ ਦੀ ਚੋਣ ਲਈ 29 ਨਵੰਬਰ ਨੂੰ ਜਨਰਲ ਅਜਲਾਸ ਬੁਲਾ ਲਿਆ ਹੈ। ਕਾਰਜਕਾਰਣੀ ਨੇ ਅੱਜ ਫੈਸਲਾ ਕੀਤਾ ਹੈ ਕਿ ਨਵੰਬਰ 1984 ਦੀ ਸਿੱਖ ਨਸਲਕੁਸ਼ੀ ਨਾਲ ਸਬੰਧਤ ਤਸਵੀਰਾਂ ਕੇਂਦਰੀ ਸਿੱਖ ਅਜਾਿੲਬ ਘਰ ਵਿੱਚ ਲਾਈਆਂ ਜਾਣਗੀਆਂ।
ਪ੍ਰਾਪਤ ਜਾਣਕਾਰੀ ਅਨੁਸਾਰ 4 ਨਵੰਬਰ 2016 ਵਿੱਚ ਜਨਰਲ ਹਾਊਸ ਦੁਆਰਾ ਚੁਣੀ ਗਈ ਕਾਰਜਕਾਰਣੀ ਨੇ ਆਪਣੀ ਇੱਕ ਸਾਲਾ ਮਿਆਦ ਪੂਰੀ ਕਰਦਿਆਂ ਅੱਜ ਪਟਿਆਲਾ ਦੇ ਗੁ: ਦੂਖ ਨਿਵਾਰਨ ਸਾਹਿਬ ਵਿਖੇ ਇੱਕਤਰਤਾ ਕੀਤੀ। ਨਵੀਂ ਕਾਰਜਕਾਰਣੀ ਤੇ ਅਹੁਦੇਦਾਰਾਂ ਦੀ ਚੋਣ ਲਈ 29 ਨਵੰਬਰ 2017 ਨੂੰ ਕਮੇਟੀ ਦਾ ਜਨਰਲ ਇਜਲਾਸ ਸੱਦੇ ਜਾਣ ਨੂੰ ਪ੍ਰਵਾਨਗੀ ਦਿੱਤੀ। 27 ਅਗਸਤ 2015 ਨੂੰ ਕਮੇਟੀ ਮੁਖ ਸਕੱਤਰ ਦੀ ਕਾਇਮ ਕੀਤੇ ਨਵੇਂ ਅਹੁਦੇ, ਜੋ ਮੁਖ ਸਕੱਤਰ ਹਰਚਰਨ ਸਿੰਘ ਵਲੋਂ ਅਸਤੀਫਾ ਦਿੱਤੇ ਜਾਣ ਉਪਰੰਤ ਖਾਲੀ ਹੋਈ ਸੀ, ਨੁੰ ਅੱਜ ਮੁੜ ਬਹਾਲ ਕਰਦਿਆਂ ਕਮੇਟੀ ਸਕੱਤਰ ਡਾ: ਰੂਪ ਸਿੰਘ ਨੂੰ ਮੁਖ ਸਕੱਤਰ ਬਣਾ ਦਿੱਤਾ ਗਿਆ। ਕਮੇਟੀ ਦੇ ਦੋ ਵਧੀਕ ਸਕੱਤਰਾਂ ਮਹਿੰਦਰ ਸਿੰਘ ਆਹਲੀ ਅਤੇ ਹਰਭਜਨ ਸਿੰਘ ਮਨਾਵਾ ਨੂੰ ਸਕੱਤਰ ਵਜੋਂ ਤਰੱਕੀ ਦੇ ਦਿੱਤੀ ਗਈ ਹੈ। ਆਹਲੀ ਅਤੇ ਮਨਾਵਾ ਦੇ ਸੱਕਤਰ ਬਣਨ ਨਾਲ ਕਮੇਟੀ ਸਕੱਤਰਾਂ ਦੀ ਕੁਲ ਗਿਣਤੀ 4 ਹੋ ਗਈ ਹੈ।
ਇਸ ਖ਼ਬਰ ਨੂੰ ਵਿਸਥਾਰ ਸਹਿਤ ਅੰਗ੍ਰੇਜ਼ੀ ਵਿਚ ਪੜ੍ਹਨ ਲਈ:
SGPC to Install Sikh Genocide 1984 Paintings in Central Sikh Museum …
Related Topics: Indian Satae, kirpal singh badungar, Shiromani Gurdwara Parbandhak Committee (SGPC), ਸਿੱਖ ਨਸਲਕੁਸ਼ੀ 1984 (Sikh Genocide 1984)