ਰਾਜਪੁਰਾ ਤੋਂ ਪਟਿਆਲਾ ਤੱਕ ਬਣ ਰਹੀ ਸੜਕ ਨੂੰ ਪੰਜਾਬੀ ਯੂਨੀਵਰਸਿਟੀ ਕੋਲੋਂ ਚੌੜੀ ਕਰਨ ਲਈ ’ਵਰਸਿਟੀ ਦੇ ਬੋਟੈਨਿਕ ਗਾਰਡਨ ਦੇ 245 ਰੁੱਖਾਂ ਦੀ ਬਲੀ ਲਈ ਜਾਵੇਗੀ। ਜੰਗਲਾਤ ਵਿਭਾਗ ਨੇ ਇਨ੍ਹਾਂ ਰੁੱਖਾਂ ਦਾ ਮੁਲਾਂਕਣ ਕਰਕੇ ਡਿਵੀਜ਼ਨ ਦੇ ਵਣਪਾਲ ਕੋਲ ਭੇਜ ਦਿੱਤਾ ਹੈ। ਦੂਜੇ ਪਾਸੇ ਪੰਜਾਬੀ ਯੂਨੀਵਰਸਿਟੀ ਦੇ ਅਧਿਕਾਰੀਆਂ ਨੇ ਇਸ ਸਬੰਧੀ ਆਪਣੇ ਹੱਥ ਖੜ੍ਹੇ ਕਰਦਿਆਂ ਕਹਿ ਦਿੱਤਾ ਹੈ ਕਿ ਭਾਵੇਂ ਇਹ ਰੁੱਖ ਕੱਟ ਲਏ ਜਾਣ ਪਰ ਇਸ ਬਾਬਤ ਨੈਸ਼ਨਲ ਗਰੀਨ ਟ੍ਰਿਿਬਊਨਲ (ਐੱਨਜੀਟੀ) ਤੋਂ ਮਨਜ਼ੂਰੀ ਲੈਣ ਲਈ ਸਰਕਾਰ ਖ਼ੁਦ ਜ਼ਿੰਮੇਵਾਰ ਹੋਵੇਗੀ।