ਮਈ ਮਹੀਨੇ ਵਿੱਚ ਪੈਣ ਵਾਲੇ ਮੀਂਹ ਦਾ ਸੰਨ 1951 ਦਾ 70 ਸਾਲ ਪੁਰਾਣਾ ਰਿਕਾਰਡ ਤੋੜ ਦਿੱਤਾ। ਮੌਂਸਮ ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ ਮੀਂਹ ਤਾਉਕਤੇ ਤੂਫਾਨ ਅਤੇ ਲਹਿੰਦੇ ਦੀ ਮੌਸਮੀ ਹਲਚਲ (ਵੈਸਟਰਨ ਡਿਸਟਰਬੈਂਸ) ਦੇ ਅਸਰ ਕਾਰਨ ਪਿਆ ਹੈ
ਅਗਲੇ ਦੋ ਦਿਨਾਂ ਦੌਰਾਨ ਮੈਦਾਨੀ ਖੇਤਰ ਵਿੱਚ ਮੀਂਹ/ਗੜ੍ਹੇ ਅਤੇ ਪਹਾੜੀ ਖੇਤਰ ਵਿੱਚ ਬਰਫ਼ਬਾਰੀ ਹੋਣ ਦੀ ਵੀ ਭਵਿੱਖਬਾਣੀ ਹੈ। ਮੰਗਲਵਾਰ ਤਕ ਮੌਸਮ ਖ਼ਰਾਬ ਰਹਿਣ ਤੋਂ ਬਾਅਦ ਸੂਰਜ ਦੇ ਮੁੜ ਤੋਂ ਚਮਕਣ ਦੇ ਆਸਾਰ ਹਨ। ਮੌਸਮ ਵਿਭਾਗ ਨੇ ਗੜ੍ਹਿਆਂ ਦੀ ਚਿਤਾਵਨੀ ਦਿੱਤੀ ਹੈ। ਭਲ੍ਹਕ ਨੂੰ ਹਿਮਾਚਲ ਪ੍ਰਦੇਸ਼ ਅਤੇ ਜੰਮੂ ਕਸ਼ਮੀਰ ਵਿੱਚ ਬਰਫ਼ਬਾਰੀ ਹੋਣ ਦੀ ਸੰਭਾਵਨਾ ਹੈ।