ਸ੍ਰੀ ਦਰਬਾਰ ਸਾਹਿਬ ਉਤੇ ਫੌਜੀ ਹਮਲੇ ਅਤੇ ਨਵੰਬਰ 1984 ਵਿੱਚ ਪੂਰੇ ਭਾਰਤ ਵਿੱਚ ਹੋਏ ਸਿੱਖਾਂ ਦੇ ਕਤਲੇਆਮ ਤੋਂ ਬਾਅਦ ਅਤੇ ਭਾਰਤੀ ਸਿਸਟਮ ਦੇ ਸਮੁੱਚੇ ਸੰਚਾਲਕਾਂ ਵਲੋਂ ਬੇਇਨਸਾਫੀ ਭਰੀ ਰਵਾਇਤ ਹੀ ਸਿੱਖ ਖਾੜਕੂਧਾਰਾ ਦੀ ਚੜਤ ਦਾ ਕਾਰਨ ਬਣੀ ਸੀ। ਇਸ ਲਹਿਰ ਦੇ ਜੁਝਾਰੂ ਯੋਧੇ ਜਨਰਲ ਲਾਭ ਸਿੰਘ, ਜਿੰਨ੍ਹਾਂ ਨੇ ਖਾਲਸਾਈ ਰਵਾਇਤਾਂ ਨੂੰ ਕਾਇਮ ਰੱਖਦਿਆਂ ਹੱਕ, ਸੱਚ ਅਤੇ ਸਵੈਮਾਣ ਦੀ ਰਾਖੀ ਲਈ 12 ਜੁਲਾਈ, 1988 ਨੂੰ ਆਪਣੀ ਜਿੰਦ ਕੌਮ ਤੋਂ ਵਾਰ ਦਿੱਤੀ।
ਲੰਘੇ ਸਿੱਖ ਸੰਘਰਸ਼ ਦੌਰਾਨ 1988 ‘ਚ ਸ਼ਹੀਦ ਹੋਏ ਖਾਲਿਸਤਾਨ ਕਮਾਂਡੋ ਫੋਰਸ ਦੇ ਮੁਖੀ ਜਨਰਲ ਭਾਈ ਲਾਭ ਸਿੰਘ ਪੰਜਵੜ ਉਰਫ਼ ਸੁਖਦੇਵ ਸਿੰਘ ਦੀ ਸਾਲਾਨਾ ਸ਼ਹੀਦੀ ਦਿਹਾੜਾ ਉਨ੍ਹਾਂ ਦੇ ਨਗਰ ਪਿੰਡ ਪੰਜਵੜ੍ਹ ਗੁ. ਸ਼ਹੀਦ ਸਿੰਘਾਂ ਵਿਖੇ ਸਮੂਹ ਨਗਰ ਵਾਸੀਆਂ ਤੇ ਗੁ. ਕਮੇਟੀ ਦੇ ਸਹਿਯੋਗ ਨਾਲ ਭਾਈ ਲਾਭ ਸਿੰਘ ਦੇ ਪਰਿਵਾਰ ਵੱਲੋਂ ਮਨਾਇਆ ਗਿਆ।