ਸਿੱਖ ਖਬਰਾਂ
ਸਿੱਖਾਂ ਨੇ ਅਮਰੀਕੀ ਫੌਜ ਵਿੱਚ ਜਿੱਤੀ ਦਸਤਾਰ ਦੀ ਜੰਗ
June 16, 2015 | By ਸਿੱਖ ਸਿਆਸਤ ਬਿਊਰੋ
ਵਾਸ਼ਿੰਗਟਨ (16 ਜੂਨ, 2015): ਸੰਸਾਰ ਭਰ ਵਿੱਚ ਦਸਤਾਰ ਦੇ ਸਨਮਾਣ ਲਈ ਜੱਦੋਜਹਿਦ ਕਰ ਰਹੇ ਸਿੱਖਾਂ ਲਈ ਇਹ ਖ਼ਬਰ ਖੁਸ਼ੀ ਵਾਲੀ ਹੈ ਕਿ ਸਿੱਖਾਂ ਨੇ ਅਮਰੀਕਾ ਵਿੱਚ ਦਸਤਾਰ ਨੂੰ ਮਾਨਤਾ ਦੁਆਉਣ ਲਈ ਲੜਾਈ ਜਿੱਤ ਲਈ ਹੈ।
ਅਮਰੀਕਾ ਦੀ ਸੰਘੀ ਅਦਾਲਤ ਨੇ ਕਿਹਾ ਹੈ ਕਿ ਸਿੱਖ ਨੌਜਵਾਨ ਦਸਤਾਰ, ਦਾੜ੍ਹੀ ਤੇ ਕੇਸਾਂ ਦੇ ਨਾਲ ਅਮਰੀਕੀ ਫ਼ੌਜ ਦੀ ਰਿਜ਼ਰਵ ਆਫ਼ੀਸਰ ਟਰੇਨਿੰਗ ਕਾਰਪਸ (ਆਰ. ਓ. ਟੀ. ਸੀ.) ਦੇ ਪ੍ਰੋਗਰਾਮ ‘ਚ ਹਿੱਸਾ ਲੈ ਸਕਦੇ ਹਨ। ਸਿੱਖ ਨੌਜਵਾਨ ਇਕਨੂਰ ਨੇ ਆਰ. ਓ. ਟੀ. ਸੀ. ‘ਚ ਦਾਖਲਾ ਲੈਣ ਲਈ ਰੱਖੀਆਂ ਗਈਆਂ ਸ਼ਰਤਾਂ ਨੂੰ ਸੰਘੀ ਅਦਾਲਤ ‘ਚ ਚੁਨੌਤੀ ਦਿੱਤੀ ਸੀ।
ਜ਼ਿਕਰਯੋਗ ਹੈ ਕਿ ਭਾਰਤੀ ਮੂਲ ਦੇ ਵਿਦਿਆਰਥੀ ਇਕਨੂਰ ਸਿੰਘ ਨੇ 2013 ‘ਚ ਆਰ. ਓ. ਟੀ. ਸੀ. ‘ਚ ਦਾਖ਼ਲੇ ਲਈ ਅਪਲਾਈ ਕੀਤਾ ਸੀ ਪਰ ਫ਼ੌਜ ਨੇ ਉਸ ਨੂੰ ਕੇਸ ਕਤਲ ਕਰਵਾਉਣ ਤੇ ਦਸਤਾਰ ਨਾ ਸਜਾਉਣ ਦੀ ਸ਼ਰਤ ਰੱਖ ਦਿੱਤੀ।
ਇਸਨੂੰ ਨਾ ਮੰਨਦੇ ਹੋਏ ਇਕਨੂਰ ਨੇ 2 ਸਾਲ ਤੱਕ ਦਸਤਾਰ ਲਈ ਆਪਣੀ ਲੜਾਈ ਲੜੀ ਤੇ ਨਵੰਬਰ, 2014 ‘ਚ ਇਸ ਮਾਮਲੇ ਨੂੰ ਅਦਾਲਤ ਸਾਹਮਣੇ ਚੁੱਕਿਆ। ਉਸ ਦੀ ਪਟੀਸ਼ਨ ‘ਤੇ ਸੁਣਵਾਈ ਤੋਂ ਬਾਅਦ ਇਕਨੂਰ ਦੇ ਹੱਕ ‘ਚ ਫ਼ੈਸਲਾ ਆਇਆ।
ਜੱਜ ਐਮੀ ਜੈਕਸਨ ਨੇ ਕਿਹਾ ਕਿ ਸਿੱਖ ਪਹਿਲਾਂ ਵੀ ਕੇਸ ਕਤਲ ਕਰਵਾਏ ਬਿਨਾਂ ਅਮਰੀਕੀ ਫ਼ੌਜ ‘ਚ ਆਪਣੀਆਂ ਸੇਵਾਵਾਂ ਦੇ ਚੁੱਕੇ ਹਨ ਤੇ ਉਨ੍ਹਾਂ ਦਾ ਕੰਮ ਕਾਬਿਲ-ਏ-ਤਾਰੀਫ ਹੈ।
ਅਦਾਲਤ ਨੇ ਕਿਹਾ ਕਿ ਰਿਲੀਜੀਅਸ ਫ੍ਰੀਡਮ ਰਿਸਟੋਰੇਸ਼ਨ ਦੇ ਅਨੁਸਾਰ ਇਕਨੂਰ ਸਿੰਘ ਨੂੰ ਆਪਣੀਆਂ ਧਾਰਮਿਕ ਮਾਨਤਾਵਾਂ ਪੂਰੀਆਂ ਕਰਨ ਦਾ ਹੱਕ ਹੈ। ਇਸ ਫ਼ੈਸਲੇ ਤੋਂ ਬਾਅਦ ਹੁਣ ਏਕਨੂਰ ਆਪਣੇ ਧਰਮ ਨਾਲ ਸਮਝੌਤਾ ਕੀਤੇ ਬਿਨਾਂ ਇਸ ਪ੍ਰੋਗਰਾਮ ‘ਚ ਹਿੱਸਾ ਲੈ ਸਕੇਗਾ।
ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ:
ਵਟਸਐਪ ਰਾਹੀਂ ਤਾਜਾ ਖਬਰਾਂ ਹਾਸਲ ਕਰਨ ਦਾ ਤਰੀਕਾ:
(1) ਸਿੱਖ ਸਿਆਸਤ ਦਾ ਵਟਸਐਪ ਅੰਕ 0091-85560-67689 ਆਪਣੀ ਜੇਬੀ (ਫੋਨ) ਵਿੱਚ ਭਰ ਲਓ; ਅਤੇ
(2) ਸਾਨੂੰ ਆਪਣਾ ਨਾਂ ਵਟਸਐਪ ਰਾਹੀਂ ਭੇਜ ਦਿਓ।
Related Topics: Sikhs in Untied States, Turban Issue