July 4, 2015 | By ਸਿੱਖ ਸਿਆਸਤ ਬਿਊਰੋ
ਵੀਨਸ, ਇਟਲੀ (3 ਜੁਲਾਈ, 2015): ਇਟਲੀ ਵਿੱਚ ਨਵੀਂ ਬਣੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਇਟਲੀ ‘ਚ ਪੰਥਕ ਮਸਲਿਆਂ ਨੂੰ ਹੱਲ ਕਰਵਾਉਣ ਲਈ ਅਹਿਮ ਉਪਰਾਲਾ ਕਰਦਿਆਂ ਬੀਤੇ ਦਿਨ ਰੋਮ ਵਿਖੇ ਇਟਾਲੀਅਨ ਪਾਰਲੀਮੈਂਟ ਮੈਂਬਰਾਂ ਨਾਲ਼ ਵਿਸ਼ੇਸ਼ ਮੀਟਿੰਗ ਕਰਕੇ ਇੱਥੇ ਵੱਸਦੇ ਵਿਦੇਸ਼ੀਆਂ ਦੇ ਇੰਮੀਗ੍ਰੇਸ਼ਨ ਸਬੰਧੀ ਤੇ ਸਬੰਧਿਤ ਮੁਸ਼ਕਿਲਾਂ ਦੇ ਹੱਲ ਕਰਵਾਉਣ ਲਈ ਕੋਸ਼ਿਸ਼ ਕੀਤੀ ਹੈ।
ਨਵੀਂ ਬਣੀ ਜਥੇਬੰਦੀ ਦੇ ਸੀਨੀਅਰ ਮੀਤ ਪ੍ਰਧਾਨ ਭਾਈ ਹਰਪਾਲ ਸਿੰਘ ਦਾਦੂਵਾਲ ਨੇ ਇਟਲੀ ਦੇ ਸੈਨੇਟ ਮੈਂਬਰ ਸਨਤਰੀਨੀ ਮੇਲੀਨਾ ਤੇ ਪਾਵਲੋ ਕੀਏਨੀ ਨੂੰ ਵਿਦੇਸ਼ੀਆਂ ਦੀਆਂ ਸਮੱਸਿਆਵਾਂ ਬਾਰੇ ਵਿਸਥਾਰਪੂਰਵਕ ਜਾਣੂ ਕਰਵਾਇਆ।
ਉਨ੍ਹਾਂ ਦੱਸਿਆ ਕਿ ਬ੍ਰੇਸ਼ੀਆਂ ਇੰਮੀਗ੍ਰੇਸ਼ਨ ਵਿਭਾਗ ‘ਚ ਨਿਵਾਸ ਆਗਿਆ ਨਾਲ਼ ਸਬੰਧਿਤ ਅਨੇਕਾਂ ਅਰਜ਼ੀਆਂ ‘ਤੇ ਹਾਲੇ ਕਾਰਵਾਈ ਕਰਨੀ ਬਾਕੀ ਹੈ, ਜਿਸ ‘ਤੇ ਪਾਰਲੀਮੈਂਟ ਮੈਂਬਰਾਂ ਨੇ ਤੁਰੰਤ ਵਿਚਾਰ ਕਰਦਿਆਂ ਇਮੀਗ੍ਰੇਸ਼ਨ ਦੇ ਦਫਤਰ ਨੂੰ ਇਨ੍ਹਾਂ ਅਰਜ਼ੀਆਂ ਦਾ ਜਲਦ ਤੋਂ ਜਲਦ ਨਿਪਟਾਰਾ ਕਰਨ ਦੀ ਹਦਾਇਤ ਦਿੱਤੀ।
Related Topics: Sikhs in Italy